ಶಿವಮೊಗ್ಗ ಜಿಲ್ಲೆಯ ಮತದಾರರ ಪಟ್ಟಿಯ ವಿಶೇಷ ಸಮಗ್ರ ಪರಿಷ್ಕರಣೆ (ಎಸ್ಐಆರ್-2026) ಕಾರ್ಯ ಚುರುಕುಗೊಂಡಿದ್ದು, ಜುಲೈ 7ರಂದು ಸಂಜೆ 4 ಗಂಟೆಯ ವೇಳೆಗೆ ಒಟ್ಟು 15,19,459 ಮತದಾರರಲ್ಲಿ 12,44,670 ಮಂದಿಗೆ (ಶೇ.81.92) ಇ-ಫಾರ್ಮ್ಗಳನ್ನು (EFs) ವಿತರಿಸಲಾಗಿದೆ ಎಂದು ಜಿಲ್ಲಾಧಿಕಾರಿ ಹಾಗೂ ಜಿಲ್ಲಾ ಚುನಾವಣಾಧಿಕಾರಿ ಪ್ರಭುಲಿಂಗ ಕವಳಿಕಟ್ಟಿ ತಿಳಿಸಿದ್ದಾರೆ.
ಜಿಲ್ಲೆಯ ಏಳು ವಿಧಾನಸಭಾ ಕ್ಷೇತ್ರಗಳ ವ್ಯಾಪ್ತಿಯಲ್ಲಿ 1,793 ಬೂತ್ ಮಟ್ಟದ ಅಧಿಕಾರಿಗಳು (ಬಿಎಲ್ಒ) ಕಾರ್ಯನಿರ್ವಹಿಸುತ್ತಿದ್ದು, ಇದುವರೆಗೆ 70,540 ಇ-ಫಾರ್ಮ್ಗಳನ್ನು (ಶೇ.4.64) ಡಿಜಿಟಲೀಕರಣಗೊಳಿಸಲಾಗಿದೆ ಎಂದು ಅವರು ಮಾಹಿತಿ ನೀಡಿದ್ದಾರೆ.
ಶಿವಮೊಗ್ಗ ಗ್ರಾಮಾಂತರ ವಿಧಾನಸಭಾ ಕ್ಷೇತ್ರ ಡಿಜಿಟಲೀಕರಣದಲ್ಲಿ ಜಿಲ್ಲೆಯಲ್ಲೇ ಮುಂಚೂಣಿಯಲ್ಲಿದೆ. ಇಲ್ಲಿ 2,20,250 ಮತದಾರರಲ್ಲಿ 1,93,394 (ಶೇ.87.81) ಮಂದಿಗೆ ಇ-ಫಾರ್ಮ್ಗಳನ್ನು ವಿತರಿಸಲಾಗಿದ್ದು, 18,879 (ಶೇ.8.57) ಫಾರ್ಮ್ಗಳು ಡಿಜಿಟಲೀಕರಣಗೊಂಡಿವೆ.
ಸೊರಬ ಕ್ಷೇತ್ರದಲ್ಲಿ ಅತಿ ಹೆಚ್ಚು ಶೇ.88.08 ರಷ್ಟು ಇ-ಫಾರ್ಮ್ಗಳ ವಿತರಣೆ ದಾಖಲಾಗಿದ್ದು, 1,98,955 ಮತದಾರರಲ್ಲಿ 1,75,244 ಮಂದಿಗೆ ಫಾರ್ಮ್ಗಳನ್ನು ವಿತರಿಸಲಾಗಿದೆ. 9,400 (ಶೇ.4.72) ಫಾರ್ಮ್ಗಳನ್ನು ಡಿಜಿಟಲೀಕರಣ ಮಾಡಲಾಗಿದೆ.
ತೀರ್ಥಹಳ್ಳಿ ಕ್ಷೇತ್ರದಲ್ಲಿ 1,92,314 ಮತದಾರರಲ್ಲಿ 1,66,822 (ಶೇ.86.74) ಮಂದಿಗೆ ಇ-ಫಾರ್ಮ್ಗಳನ್ನು ವಿತರಿಸಿದ್ದು, 11,810 (ಶೇ.6.14) ಫಾರ್ಮ್ಗಳು ಡಿಜಿಟಲೀಕರಣಗೊಂಡಿವೆ.
ಸಾಗರ ಕ್ಷೇತ್ರದಲ್ಲಿ 2,09,520 ಮತದಾರರಲ್ಲಿ 1,80,463 (ಶೇ.86.13) ಮಂದಿಗೆ ಫಾರ್ಮ್ಗಳನ್ನು ವಿತರಿಸಲಾಗಿದ್ದು, 8,568 (ಶೇ.4.09) ಫಾರ್ಮ್ಗಳು ಡಿಜಿಟಲೀಕರಣಗೊಂಡಿವೆ.
ಶಿಕಾರಿಪುರ ಕ್ಷೇತ್ರದಲ್ಲಿ 2,06,415 ಮತದಾರರಲ್ಲಿ 1,71,595 (ಶೇ.83.13) ಮಂದಿಗೆ ಇ-ಫಾರ್ಮ್ಗಳನ್ನು ವಿತರಿಸಿದ್ದು, 9,573 (ಶೇ.4.64) ಫಾರ್ಮ್ಗಳು ಡಿಜಿಟಲೀಕರಣಗೊಂಡಿವೆ.
ಭದ್ರಾವತಿ ಕ್ಷೇತ್ರದಲ್ಲಿ 2,14,907 ಮತದಾರರಲ್ಲಿ 1,62,742 (ಶೇ.75.73) ಮಂದಿಗೆ ಇ-ಫಾರ್ಮ್ಗಳನ್ನು ವಿತರಿಸಲಾಗಿದ್ದು, 8,824 (ಶೇ.4.12) ಫಾರ್ಮ್ಗಳನ್ನು ಡಿಜಿಟಲೀಕರಣಗೊಳಿಸಲಾಗಿದೆ.
ಶಿವಮೊಗ್ಗ ನಗರ ಕ್ಷೇತ್ರದಲ್ಲಿ ಜಿಲ್ಲೆಯಲ್ಲೇ ಅತಿ ಹೆಚ್ಚು 2,77,098 ಮತದಾರರಿದ್ದು, ಅವರಲ್ಲಿ 1,94,410 (ಶೇ.70.16) ಮಂದಿಗೆ ಇ-ಫಾರ್ಮ್ಗಳನ್ನು ವಿತರಿಸಲಾಗಿದೆ. ಈ ಪೈಕಿ 3,486 (ಶೇ.1.26) ಫಾರ್ಮ್ಗಳು ಡಿಜಿಟಲೀಕರಣಗೊಂಡಿವೆ.
ಜಿಲ್ಲೆಯ ಎಲ್ಲ ಮತದಾರರು ಬಿಎಲ್ಒಗಳು ವಿತರಿಸುವ ಇ-ಫಾರ್ಮ್ಗಳನ್ನು ತಪ್ಪದೇ ಭರ್ತಿ ಮಾಡಿ ಸಲ್ಲಿಸುವ ಮೂಲಕ ಮತದಾರರ ಪಟ್ಟಿಯ ವಿಶೇಷ ಸಮಗ್ರ ಪರಿಷ್ಕರಣೆ ಕಾರ್ಯಕ್ಕೆ ಸಹಕರಿಸುವಂತೆ ಜಿಲ್ಲಾಧಿಕಾರಿ ಮನವಿ ಮಾಡಿದ್ದಾರೆ.
ಕ್ಷೇತ್ರವಾರು ಪ್ರಗತಿ
ವಿಧಾನಸಭಾ ಕ್ಷೇತ್ರ ಇ-ಫಾರ್ಮ್ ವಿತರಣೆ ಡಿಜಿಟಲೀಕರಣ
ಸೊರಬ 88.08% 4.72%
ಶಿವಮೊಗ್ಗ ಗ್ರಾಮಾಂತರ 87.81% 8.57%
ತೀರ್ಥಹಳ್ಳಿ 86.74% 6.14%
ಸಾಗರ 86.13% 4.09%
ಶಿಕಾರಿಪುರ 83.13% 4.64%
ಭದ್ರಾವತಿ 75.73% 4.12%
ಶಿವಮೊಗ್ಗ ನಗರ 70.16% 1.26%
ಒಟ್ಟು ಜಿಲ್ಲೆ:
ಮತದಾರರು – 15,19,459
ಇ-ಫಾರ್ಮ್ ವಿತರಣೆ – 12,44,670 (81.92%)
ಡಿಜಿಟಲೀಕರಣ – 70,540 (4.64%)
