Tunga Taranga | April, 06, 2022, Shivamogga crime News
ಶಿವಮೊಗ್ಗ : ಮತ್ತೆ ಮತ್ತೆ ಶಿವಮೊಗ್ಗದಲ್ಲಿ ಗಲಭೆ, ದೊಂಬಿ ನಡೆಸುವ ಉದ್ದೇಶ ಕೆಲವರಿಗಿರುವಂತಿದೆ. ನೆಮ್ಮದಿಗಾಗಿ ಪರಿತಪಿಸಬೇಕಾದ ಪರಿಸ್ಥಿತಿಯಲ್ಲಿ ಇರುವ ಶಿವಮೊಗ್ಗ ನಗರದ ಜನ ಮತ್ತೆ ಆತಂಕದ ಕಂಗಳಿಂದ ನೋಡುವ ಘಟನೆಗಳು ಸದ್ದಿಲ್ಲದೇ ನಡೆಯತ್ತಿವೆಯೇನೋ ಎನಿಸುತ್ತಿದೆ.
ಪೊಲೀಸ್ ಇಲಾಖೆಯ ಸರ್ಪಗಾವಲಿನ ನಡುವೆಯೂ ಕೆಲ ಅನ್ಯ ಕುಕೃತ್ಯಗಳು ಶಾಂತಿ ಕದಡುವ ಪ್ರಯತ್ನಗಳು ನಡೆಯುತ್ತಿವೆ. ಇಂತಹದೊಂದು ಕೃತ್ಯವನ್ನು ಗಸ್ತಿನಲ್ಲಿದ್ದ ಪೊಲೀಸರ ಸಮಯಪ್ರಜ್ಣೆಯಿಂದ ತಪ್ಪಿದೆ.
ಇಲ್ಲಿನ ಅಂಗಡಿಗಳಿಗೆ ಬೆಂಕಿ ಹಚ್ಚುವ ಪ್ರಯತ್ನತುಂಗಾ ನಗರ ಠಾಣೆಯ ಗಸ್ತು ಪೊಲೀಸರಿಂದ ತಪ್ಪಿದೆ.
ತುಂಗಾ ನಗರ ಠಾಣಾ ವ್ಯಾಪ್ತಿಯ ವಾದಿ-ಏ-ಹುದಾದ ಬೈಪಾಸ್ ರಸ್ತೆಯಲ್ಲಿ ಅಜ್ಮಲ್ ಅಹ್ಮದ್ ಎಂಬವರಿಗೆ ಸೇರಿದ ಶೆಡ್ವೊಂದಕ್ಕೆ ಏ.4 ರಾತ್ರಿ 2 ಗಂಟೆ ಸುಮಾರಿಗೆ ಅಂದರೆ ನಿನ್ನೆ ಬೆಳಗಿನ ಜಾವ ದುಷ್ಕರ್ಮಿಗಳು ಬೆಂಕಿ ಹಾಕಿದ್ದಾರೆ. ಅದು ಹೊತ್ತಿಕೊಂಡು ಉರಿಯುತ್ತಿರುವುದನ್ನ ಗಮನಿಸಿದ ಅಲ್ಲಿನ ಗಸ್ತು ಪೊಲೀಸರು ಸ್ಥಳಕ್ಕೆ ತೆರಳಿ ಬೆಂಕಿ ನಂದಿಸಿದ್ದಾರೆ. ಇದೇ ವೇಳೆ ಪಕ್ಕದ ಅಂಗಡಿಗೂ ಬೆಂಕಿ ಹಾಕಲು ಯತ್ನಿಸಿದ್ದಾರೆನ್ನಲಾಗಿದೆ
ತುಂಗಾನಗರ ಠಾಣೆಯಲ್ಲಿ ದೂರು ದಾಖಲಾಗಿದೆ.