ಶಿವಮೊಗ್ಗ, ಜ.29:
ರಾಷ್ಟ್ರಮಟ್ಟದ ಹಿರಿಮೆಗಳಿಸಿರುವ ಶಿವಮೊಗ್ಗ ರಾಜೇಂದ್ರನಗರದ ನಟನಂ ಬಾಲನಾಟ್ಯ ಕೇಂದ್ರದಿಂದ ಎರಡು ದಿನಗಳ ಕಾಲ 224 ವಿದ್ಯಾರ್ಥಿ ಕಲಾವಿದರ ಭರ್ಜರಿ ನೃತ್ಯೋತ್ಸವ ನೃತ್ಯ ಕಾರ್ಯಕ್ರಮ ನಡೆಯಲಿದೆ ಎಂದು ಕರ್ನಾಟಕ ಕಲಾಶ್ರೀ ಗುರು ವಿದ್ವಾನ್ ಡಾ. ಎಸ್ ಕೇಶವಕುಮಾರ್ ಪಿಳ್ಳೈ ಅವರು ತಿಳಿಸಿದ್ದಾರೆ.
ನಟನಂ ಬಾಲನಾಟ್ಯ ಕೇಂದ್ರದಿಂದ ಜನವರಿ 30ರ ನಾಳೆ ಹಾಗೂ 31ರಂದು ಶಿವಮೊಗ್ಗ ಕುವೆಂಪುರಂಗಮಂದಿರಲ್ಲಿ ಪ್ರತಿದಿನ ಸಂಜೆ 5:30ಕ್ಕೆ ಈ ಕಾರ್ಯಕ್ರಮವನ್ನು ಆಯೋಜಿಸಲಾಗಿದ್ದು, ಇದರಲ್ಲಿ ಅತ್ಯಂತ ವಿಜೃಂಭಣೆಯಿಂದ ಭಾರತದ ಮುಖ್ಯ ಶಾಸ್ತ್ರೀಯ ನೃತ್ಯ ಪ್ರಕಾರಗಳಾದ ಭರತನಾಟ್ಯ ಹಾಗೂ ಕರ್ನಾಟಕ ಜಾನಪದ ನೃತ್ಯ, ಪಂಜಾಬಿನ ಭಾಂಗ್ಡಾ ನೃತ್ಯ, ರಾಜಸ್ಥಾನದ ಕಾಲ್ ಬೇಲಿಯಾ ಪ್ಯೂಜನ್ ಮತ್ತು ಫ್ಯೂಷನ್ ನೃತ್ಯಗಳಿಗೆ 224 ಕಲಾವಿದರು ಅಭಿನಯಿಸಲಿದ್ದಾರೆ.
ಈ ಕಾರ್ಯಕ್ರಮವನ್ನು ಎಸ್.ಕೇಶವಕುಮಾರ್ ಪಿಳ್ಳೈ ಪ್ರಸ್ತುತಪಡಿಸಿದ್ದು, ಅವರೊಂದಿಗೆ ವಿದ್ವಾನ್ ಎಸ್‌ಸಿ ಚೇತನ್, ವಿದುಶ್ರೀ ನಾಟ್ಯಶ್ರೀ ಕೆ ಸೆಲ್ಬಂ, ನಟನಂ ಕೇಂದ್ರದ ನೃತ್ಯ ಶಿಕ್ಷಕರು ಭಾಗವಹಿಸಲಿದ್ದಾರೆ.
ಕಾರ್ಯಕ್ರಮಕ್ಕೆ ಸರ್ವರಿಗೂ ಆತ್ಮೀಯ ಸ್ವಾಗತವನ್ನು ಕೋರಲಾಗಿದ್ದು, ಕಲಾವಿದರ ನೃತ್ಯೋತ್ಸವದಲ್ಲಿ ಪಾಲ್ಗೊಳ್ಳುವ ಮೂಲಕ ಕಾರ್ಯಕ್ರಮವನ್ನು ಯಶಸ್ವಿಗೊಳಿಸುವಂತೆ ಕೋರಲಾಗಿದೆ.
