ಶಿವಮೊಗ್ಗ ಜ.16 :ಸಾಗರ : ಇಲ್ಲಿನ ಸೊರಬ ರಸ್ತೆಯ ಗಡದಯ್ಯ ಲೇಔಟ್ ಬಳಿ ಅಕ್ರಮವಾಗಿ ಸಾಗಿಸುತ್ತಿದ್ದ ಸುಮಾರು ೮೪ ಕೆ.ಜಿ. ಗೋಮಾಂಸವನ್ನು ಹಿಂದೂ ಜಾಗರಣಾ ವೇದಿಕೆ ಕಾರ್ಯಕರ್ತರು ಪತ್ತೆಹಚ್ಚಿ ಪೊಲೀಸರಿಗೆ ಒಪ್ಪಿಸಿದ ಘಟನೆ ನಡೆದಿದೆ.
ಸೊರಬ ರಸ್ತೆಯ ಗಡದಯ್ಯ ಲೇಔಟ್ ಬಳಿ ಆಟೋದಲ್ಲಿ ಸುಮಾರು ೮೪ ಕೆ.ಜಿ. ಗೋಮಾಂಸ ಸಾಗಿಸುತ್ತಿರುವ ಮಾಹಿತಿ ಮೇರೆ ಹಿಂದೂ ಜಾಗರಣಾ ವೇದಿಕೆ ಕಾರ್ಯಕರ್ತರು ಆಟೋ ನಿಲ್ಲಿಸಿ ವಿಚಾರಿಸಿದ್ದಾರೆ. ಆಟೋ ಚಾಲಕ ಶಿರಾಳಕೊಪ್ಪ ವಾಸಿ ತನ್ನು ಸರಿಯಾದ ಉತ್ತರ
ನೀಡಲಿಲ್ಲ. ಪರಿಶೀಲನೆ ನಡೆಸಿದಾಗ ಗೋಮಾಂಸ ಪತ್ತೆಯಾಗಿತ್ತು. ತಕ್ಷಣ ಆಟೋ ಸಹಿತ ಗೋಮಾಂಸವನ್ನು ಪೇಟೆ ಠಾಣೆಗೆ ಒಪ್ಪಿಸಲಾಗಿದೆ.
ಈ ಸಂದರ್ಭದಲ್ಲಿ ಹಿಂದೂ ಜಾಗರಣಾ ವೇದಿಕೆಯ ಸುಧೀಂದ್ರ ಕೆ.ಎಸ್., ಕೋಮಲ್ ರಾಘವೇಂದ್ರ, ರಾಘವೇಂದ್ರ ಕಾಮತ್, ನಂದೀಶ್ ಸೂರಗುಪ್ಪೆ, ಪವನ್ ಮಾಸೂರು, ಪ್ರವೀಣ್ ಸಿರವಾಳ, ಅರುಣ ಕುಗ್ವೆ, ಪರಶುರಾಮ್ ಇನ್ನಿತರರು ಇದ್ದರು.
