ಶಿವಮೊಗ್ಗ,ಜೂ.21: ಶಿವಮೊಗ್ಗ ನಗರದೆಲ್ಲೆಡೆ ಕಳ್ಳಕಾಕರು ಹೆಚ್ಚುತ್ತಿದ್ದಾರೆ. ಚಿನ್ನಾಭರಣ ಕಳ್ಳತನ ಆಗಿರಬಹುದೆಂದುಕೊಂಡಿರಾ..?
ಇವರು ಡಿಫರೆಂಟ್ ಕಳ್ಳರು. ಶಿವಮೊಗ್ಗ ಕೃಷಿನಗರ, ಕೆ.ಆರ್.ಪುರಂ, ವಿದ್ಯಾನಗರ, ವಿನೋಬನಗೆ ಮುಖ್ಯರಸ್ತೆಯ ಏರಿಯಾದ ಸುಮಾರು ನೂರಾರು ಮನೆಗಳ ಮುಂದಿದ್ದ ಅಪಾರ ಜೊತೆ ಚಪ್ಪಲಿಗಳನ್ನು ರಾತ್ರೋ ರಾತ್ರಿ ಈ ನವನವೀನ ಕಳ್ಳರು ಕದ್ದಿದ್ದಾರೆ.
ಎಂತೆಂಥದೋ ಕಳ್ಳರನ್ನು ನೋಡಿರುವ ನಮಗೆ ಇದೊಂದು ಹೊಸ ಸಂಗತಿ ಎನಿಸುತ್ತಲ್ಲವೇ…?
ಶಿವಮೊಗ್ಗ ಕೃಷಿನಗರದ ಕಥೆ ಕೇಳಿ. ಇದನ್ನ ನಂಬಿದ್ರೆ ನಂಬಿ.. ಇಲ್ಲದಿರೆ ಬಿಟ್ಟುಬಿಡಿ, ಹೋಗಲಿ ಆ ಭಾಗದ ಜನರನ್ನಾದರೂ ವಿಚಾರಿಸಿ ಈ ಕಳ್ಳರ ತಂಡದ ಕಾರ್ಯವೈಖರಿಯನ್ನು ತಿಳಿದುಕೊಳ್ಳಿ. ಚಪ್ಪಲಿಗಳನ್ನು ಮಾತ್ರ ತೆಗೆದುಕೊಂಡೋಗಿರುವ ಈ ಕಳ್ಳರು ಅವುಗಳನ್ನು ಅಲ್ಲಿಂದ ಕಟ್ಟಿಕೊಂಡೋಗಲು ಒಂದೆರಡು ನೈಟಿಗಳನ್ನಷ್ಟೆ ಕದ್ದಿದ್ದಾರೆಂದು ಅಲ್ಲಿನ ಜನ ಹೇಳುತ್ತಿದ್ದ ದೃಶ್ಯ ನಗೆಯುಟ್ಟಿಸುವಂತಿತ್ತು.
ಸರಿ ಸುಮಾರು ಮದ್ಯರಾತ್ರಿ ಹೊತ್ತಿಗೆ ಈ ಬೀದಿಗಳ ಮನೆ ಮುಂದಿನ ಗೂಡೊಳಗೆ ಬಿಟ್ಟಿದ್ದ ಚಪ್ಪಲಿ, ಶೂಗಳನ್ನು ಮತ್ರ ಕದ್ದಿರುವ ಕಳ್ಳರು ಅವುಗಳನ್ನು ಕದಿಯಲು ಮಹಡಿ ಮನೆಗಳ ಆವರಣವನ್ನೂ ತಲಾಷ್ ಮಾಡಿ ಕದ್ದಿದ್ದಾರೆ.
ಒಂದೆಡೆ ನಗು ಬರಿಸುವ ಈ ಕಳ್ಳರ ಆಟದ ಬಗ್ಗೆ ಯಾರು ಹೇಗೆ ತಾನೆ ಪೊಲೀಸರಿಗೆ ದೂರು ನೀಡಲು ಸಾಧ್ಯ.?
ಎಲ್ಲಾ ಬಿಟ್ಟು ಚಪ್ಪಲಿಗಳನ್ನಷ್ಟೆ ಕದ್ದಿ ಸಂಗತಿ ಕೃಷಿನಗರದಿಂದ ಹರಡಿ ಹಬ್ಬುತ್ತಿದೆ. ಅಂದಹಾಗೇ, ಈ ಚಪ್ಪಲಿ ಕಳ್ಳರ ಬಗ್ಗೆ ಕೃಷಿನಗರ, ಕೆ.ಆರ್ ಪುರಂ ಸೇರಿದಂತೆ ಬಹುತೇಕ ಕಡೆ ಗುಸುಗುಸು ಸುದ್ದಿಯೇ ಸುದ್ದಿ.