ಶಿವಮೊಗ್ಗ : ನೀವು ಶಿವಮೊಗ್ಗ ನಗರದ ರಸ್ತೆ ಬದಿಯಲ್ಲಿ ನಡೆಯುತ್ತಿದ್ದರೆ ಹುಷಾರಾಗಿ ನಡೆಯಿರಿ…, ಏಕೆಂದರೆ ರಸ್ತೆ ಹಾಗೂ ಮನೆಯ ನೀರು ಚರಂಡಿಗೆ ಸೇರಲು ಹಾಕಿರುವ ಬಾಕ್ಸ್ ಗಳ ಮೇಲಿನ ಕಬ್ಬಿಣದ ಪಟ್ಟಿಯನ್ನು ಶಿವಮೊಗ್ಗ ನಗರದಲ್ಲಿ ಎಲ್ಲಿಂದರಲ್ಲಿ ಕದಿಯುತ್ತಿರುವ, ಕದ್ದಿರುವ ಬಗ್ಗೆ ವರದಿಗಳು ಬಂದಿವೆ. ನಗರದ ದುಡಿಗುಡಿ, ನೆಹರು ರಸ್ತೆ ಗಾರ್ಡನ್ ಏರಿಯಾ, ಎಲ್ಎಲ್ಆರ್ ರಸ್ತೆ ಸೇರಿದಂತೆ ಹಲವೆಡೆ ಇಂತಹ ಕಳ್ಳತನ ದಿನೇ ದಿನೇ ಹೆಚ್ಚುತ್ತಿದೆ. ರಷ್ಯಾ ಯಾವುದೇ ಬದಿಯಲ್ಲಿ ನೋಡಿದರೂ ಚರಂಡಿಗೆ ಹೋಗುವ ನೀರಿನ ಬಾಕ್ಸ್ ಗಳ ಮೇಲಿನ ಕಬ್ಬಿಣದ ಮುಚ್ಚಳ ಅಂದರೆ ರಾಡುಗಳ ಜೋಡಣೆ ಕಬ್ಬಿಣವನ್ನು ಕದಿಯುತ್ತಿದ್ದಾರೆ. ಬಹುಷ್ಯ ಮಧ್ಯರಾತ್ರಿ ನಂತರ ಇಂತಹ ಕಳ್ಳತನ ನಡೆಯುತ್ತಿದೆ. ಎನ್ನಲಾಗಿದ್ದು, ರಾತ್ರಿ ಗಸ್ತಿನಲ್ಲಿರುವ ಪೊಲೀಸರು ಈ ಕಳ್ಳರನ್ನು ಹಿಡಿದು ಜಾಡಿಸಬೇಕಿದೆ. ಮಹಾನಗರ ಪಾಲಿಕೆ ಹಾಗೂ ಸ್ಮಾರ್ಟ್ ಸಿಟಿ ಕಂಪನಿ ಇತ್ತ ಗಮನ ಹರಿಸಬೇಕಿದೆ.