ಶಿವಮೊಗ್ಗ: ನಗರದ ಪಾರ್ಕ್ ಚಾಲುಕ್ಯ ನಗರದ ಹೊರಭಾಗದಲ್ಲಿ ವ್ಯಕ್ತಿಯೊಬ್ಬರು ಮರಕ್ಕೆ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿರುವ ಘಟನೆ ವರದಿಯಾಗಿದೆ.
ಮೇಲಿನ ತುಂಗಾನಗರ ನಿವಾಸಿ ಶಿವನಂಜಪ್ಪ (56) ಎಂಬುವವರು ಡೆತ್‌ನೋಟ್ ಬರೆದಿಟ್ಟು ಆತ್ಮಹತ್ಯೆ ಮಾಡಿಕೊಂಡಿರುವ ಮೃತ ದುರ್ದೈವಿ.
ಸಾವಿಗೆ ಮಹಿಳೆಯೊಬ್ಬರು ಕಾರಣ ಎಂದು ಡೆತ್‌ನೋಟ್‌ನಲ್ಲಿ ಬರೆದಿದ್ದು, ಈ ಬಗ್ಗೆ ತನಿಖೆ ನಡೆದಿದೆ. ಪತ್ನಿ ಗಂಗಾವತಿಗೆ ಹೋಗಿದ್ದು ಶಿವನಂಜಪ್ಪ ಅವರು ಪುತ್ರನ ಜತೆಗಿದ್ದರು. ಭಾನುವಾರ ರಾತ್ರಿ 11 ಗಂಟೆಯವರೆಗೂ ಮನೆಯ ಎದುರುಗಡೆಯೇ ವಾಕಿಂಗ್ ಮಾಡುತ್ತಿದ್ದ ಇವರು ನೇಣು ಬಿಗಿದುಕೊಂಡಿದ್ದಾರೆ.
ಬೆಳಗ್ಗೆ ವಾಕಿಂಗ್‌ಗೆ ಬಂದವರು ಗಮನಿಸಿ ಠಾಣೆಗೆ ಮಾಹಿತಿ ನೀಡಿದ್ದಾರೆ. ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲಿಸಿದ್ದು, ಪ್ರಕರಣ ದಾಖಲಿಸಿಕೊಂಡಿದ್ದಾರೆ.
