ಬಣವೆಗೆ ಬೆಂಕಿ: ಲಕ್ಷಾಂತರ ಮೌಲ್ಯದ ಭತ್ತ ನಾಶ
ಆಯನೂರು: ಕುಂಸಿ ಸಮೀಪದ ಹೊಸೂರಿನಲ್ಲಿ ಜಮೀನಿನಲ್ಲಿದ್ದ ಭತ್ತದ ಬಣವೆಗೆ ಬೆಂಕಿ ತಗುಲಿ ಭತ್ತದ ಬೆಳೆ ಹಾಗೂ ಹುಲ್ಲು ನಾಶವಾಗಿದೆ.
ಮೂರು ಎಕರೆಯಲ್ಲಿ ಬೆಳೆದಿದ್ದ ಭತ್ತವನ್ನು ಕೊಯ್ಲು ಮಾಡಿ, ಸಂಗ್ರಹಿಸಿದ್ದೆವು. ಬಣವೆಗೆ ಬೆಂಕಿ ಬಿದ್ದು, ಭತ್ತದ ಬೆಳೆ ಮತ್ತು ಹುಲ್ಲು ಸುಟ್ಟಿದೆ. ೩ ಲಕ್ಷ ನಷ್ಟವಾಗಿದೆ’ ಎಂದು ಜಮೀನಿನ ಮಾಲಿಕ ಗುತ್ಯಮ್ಮ ಮಾಲತೇಶ ತಿಳಿಸಿದ್ದಾರೆ.
ಅಗ್ನಿಶಾಮಕ ದಳದ ಸಿಬ್ಬಂದಿ ಬೆಂಕಿ ನಂದಿಸಿದರು.
ಸ್ಥಳಕ್ಕೆ ಬಂದ ಕಂದಾಯ ಅಧಿಕಾರಿ ಹಾಗೂ ಕೃಷಿ ಅಧಿಕಾರಿಗಳು ಸಮೀಕ್ಷೆ ನಡೆಸಿದರು.
ಆನ್‌ಲೈನ್ ಮೂಲಕ ಜೂಜು: ಇಬ್ಬರ ಬಂಧನ
ಭದ್ರಾವತಿ: ಆನ್‌ಲೈನ್ ಮೂಲಕ ಜೂಜಾಡುತ್ತಿದ್ದ ಇಬ್ಬರನ್ನು ಭದ್ರಾವತಿ ನ್ಯೂಟೌನ್ ಪೊಲೀಸರು ಬಂಧಿಸಿ ೧೩
ಸಾವಿರ ರೂ. ನಗದು, ೩ ಮೊಬೈಲ್ ಮತ್ತು ಕಾರನ್ನು ವಶಕ್ಕೆ ಪಡೆದುಕೊಂಡಿದ್ದಾರೆ.
ತಾಲೂಕಿನ ಹೊಸ ಸಿದ್ದಾಪುರದ ಎನ್‌ಬಿ ಲೇಔಟ್‌ನ ತಾರೇಶ್ ಅಲಿಯಾಸ್ ತಾರೇಶ್‌ಕುಮಾರ್ (೨೭ಮತ್ತು ಕದಡಕಟ್ಟಿ ಐಟಿಐ ಕಾಲೇಜು ಸಮೀಪದ ಚೇತನ್ ಅಲಿಯಾಸ್ ಚೇತನ್ ರಾವ್ ಕಾಟ್ಕರ್(೨೫) ಬಂಧಿತ ಆರೋಪಿಗಳು
ಪ್ರಕರಣದ ವಿವರ:
ಭದ್ರಾವತಿಯಿಂಕ್‌ಲೈನ್ ನಿವಾಸಿ ಅರುಣ್ ಎಂಬಾತ ಆನ್‌ಲೈನ್ ಮೂಲಕ ಬಿಗ್‌ಬಾಸ್ ತಾರೇಶ್ ಚೇತನ್ ಕ್ರಿಕೆಟ್, ಕ್ಯಾಸಿನೊ ಮತ್ತು ಜೂಜಾಟಕ್ಕೆ ಸಾರ್ವಜನಿಕರಿಂದ ಸಂಗ್ರಹಿಸಿ ಬುಕ್ಕಿಂಗ್ ಮಾಡುತ್ತಿದ್ದ. ಈ ಬಗ್ಗೆ ನಿಖರ ಮಾಹಿತಿ ಮೇರೆಗೆ ಭದ್ರಾವತಿ ವೃತ್ತದ ಪ್ರೊಬೆಷನರಿ ಡಿವೈಎಸ್ಪಿ ಗಜಾನನ ಸುತಾರ ನೇತೃತ್ವದಲ್ಲಿ ಸಿಬ್ಬಂದಿಗಳಾದ ಸುನೀಲ್‌ಕುಮಾರ್, ನಾಗರಾಜ್, ಹನುಮಂತ ಅವಟಿ, ಡಿ.ಸಿ.ವಿಜಯಕುಮಾರ್ ದಾಳಿ ನಡೆಸಿದ್ದಾರೆ.
ಈ ವೇಳೆ ೧೩ ಸಾವಿರ ರೂ. ನಗದು, ೩ ಮೊಬೈಲ್, ಕಾರನ್ನು ಜಪ್ತಿ ಮಾಡಲಾಗಿದ್ದು, ಆಪ್ ಅಭಿವೃದ್ಧಿಪಡಿಸಿದಾತ, ಬಳಕೆದಾರರು, ಬುಕ್ಕಿಗಳ ವಿರುದ್ದ ನ್ಯೂಟನ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಅಕ್ರಮವಾಗಿ ಮರಳು ಸಾಗಣೆ: ಟ್ರ್ಯಾಕ್ಟರ್ ವಶಕ್ಕೆ
ಶಿವಮೊಗ್ಗ : ಹೊಳೆಹೊನ್ನೂರಿನಲ್ಲಿ ಅಕ್ರಮವಾಗಿ ಮರಳು ಸಾಗಣೆ ಮಾಡುತ್ತಿದ್ದ ಟ್ರ್ಯಾಕ್ಟರ್ ಮತ್ತು ಮರಳನ್ನು ಹೊಳೆಹೊನ್ನೂರು ಪೊಲೀಸರು ವಶಕ್ಕೆ ಪಡೆದುಕೊಂಡಿರುವ ಘಟನೆ ವರದಿಯಾಗಿದೆ.
ಹೊಳೆಹೊನ್ನೂರಿನಲ್ಲಿ ತುಂಗಾನದಿಯಿಂದ ಮರಳು ತೆಗೆದು ಅಕ್ರಮ ಸಾಗಣೆ ಮಾಡುವ ಕುರಿತು ಮಾಹಿತಿ ಮೇರೆಗೆ ಜಾವಳ್ಳಿ ಬಳಿ ಪೊಲೀಸರು ದಾಳಿ ನಡೆಸಿದ್ದಾರೆ.
