ಶಿವಮೊಗ್ಗ: ಅಡಿಕೆ ತೋಟದ ಜೆಟ್ ಸರಿಪಡಿಸಿ ನಂತರ ಕೇಣಿಯವರಿಗೆ ಹಣ ಕೊಡಲು ಹೋಗೋಣ ಎಂದು ಬಂದಿದ್ದ ಯುವಕನಿಗೆ ಮೂವರು ಮುಖವಾಡದೊಂದಿಗೆ ಬಂದು ಚಾಕುವಿನಿಂದ ಇರಿದು ಹಣ ದೋಚಿರುವ ಘಟನೆ ನಿನ್ನೆ ಸಂಜೆ ನಡೆದಿದೆ.

ಭದ್ರಾವತಿ ತಾ. ಹೊಳೆಹೊನ್ನೂರು ಬಳಿಯ ಅರಹತೊಳಲಿನ ರುದ್ರೇಶ್ (32) ಎಂಬುವರಿಗೆ ನಿನ್ನೆ ಸಂಜೆ ಏಳರ ಹೊತ್ತಿಗೆ ಕೈಮರ ಬಳಿಯ ಅಡಿಕೆ ತೋಟದಲ್ಲಿ ಚಾಕುವಿನಿಂದ ಇರಿದು ಐದು ಲಕ್ಷ ನಗದು ದೋಚಿದ್ದಾರೆ.
ರುದ್ರೇಶ್ ಅವರು ಅಡಿಕೆ ಕೇಣಿ ಮಾಡುತ್ತಿದ್ದು, ಅವರು ಅರೆಬಿಳಚಿಯ ತೋಟದ ಮಾಲಿಕನಿಗೆ ಕೊಡಲು ತಂದಿದ್ದ ಐದು ಲಕ್ಷ ರೂ ನಗದು ತಗೆದುಕೊಂಡು ಪರಾರಿಯಾಗಿದ್ದಾರೆ.

ಹಣ ತರುವ ವಿಚಾರ ತಿಳಿದವರೇ ಈ ಕೃತ್ಯ ಎಸಗಿರಬಹುದು ಎನ್ನಲಾಗಿದೆ.
ರುದ್ರೇಶ್ ಅವರು ಮ್ಯಾಕ್ಸ್‌‌ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಹೊಳೆಹೊನ್ನೂರು ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ.