ಶಿವಮೊಗ್ಗ, ಜು.09: ಇಂದು ಬೆಳಿಗ್ಗೆಯಿಂದ ಸಂಜೆಯವರೆಗೆ ಹೊರಬಂದ ಕೊರೊನಾ ವೈರಸ್ ಸೊಂಕಿತರ ಸಂಖ್ಯೆ ಅರ್ಧ ಶತಕದ ಸಮೀಪ ಅಂದರೆ ಸುಮಾರು 46 ಪ್ರಕರಣಗಳು ದಾಖಲಾಗಿವೆ ಎಂದು ಮೂಲಗಳು ತಿಳಿಸಿವೆ.
ಶಿವಮೊಗ್ಗ ನಗರ, ಶಿಕಾರಿಪುರ, ಸೊರಬ,ಸಾಗರ, ಭದ್ರಾವತಿ ಸೇರಿದಂತೆ ಹಲವೆಡೆ ಈ ಸೊಂಕು ಕಾಣಿಸಿಕೊಂಡಿದೆ ಎಂದು ಮೂಲಗಳು ಹೇಳಿವೆ.

ಇಂದು ಬಿತ್ತರವಾದ ವರದಿಯಲ್ಲಿ 37 ವರದಿಗಳು ಪಾಸಿಟೀವ್ ಬಂದಿದ್ದು, ಒಟ್ಟು 372 ಪ್ರಕರಣಗಳು ದಾಖಲಾಗಿದ್ದವು.
ಶಿವಮೊಗ್ಗ 21, ಶಿಕಾರಿಪುರ 8, ಭದ್ರಾವತಿ 8, ಸೊರಬ, ತೀರ್ಥಹಳ್ಳಿ ತಲಾ 4, ಸಾಗರ 2 ಪ್ರಕರಣಗಳು ಎನ್ಲಲಾಗಿದೆ.
ಈಗಿನ ವರದಿ ಬಂದ ಪ್ರಕಾರ ನೋಡುವುದಾದರೆ ನಾಳೆ 400ರ ಗಡಿ ದಾಟಲಿರುವ ಶಿವಮೊಗ್ಗ ಜಿಲ್ಲೆಯ ಸೊಂಕಿತರ ಸಂಖ್ಯೆ ಭಯ ಹುಟ್ಟಿಸುತ್ತಿದೆ.
ಶಿವಮೊಗ್ಗ ನಗರ ಸೇರಿದಂತೆ ಎಲ್ಲಾ ತಾಲ್ಲೂಕುಗಳ ಹಾಗೂ ಸೊಂಕು ಕಂಡುಬಂದ ಜಾಗದಲ್ಲಿ ಸಾಮೋಹಿಕವಾದ ಚಿಕಿತ್ಸೆ ನಡೆಯುವ ಅಗತ್ಯವಿದೆ.

ಭದ್ರಾವತಿ ಬಸವೇಶ್ವರ ನಗರ, ಈಸೂರಿನ ಘಟನೆಗಳ ಅವಲೋಕನೆ ಹಾಗೂ ಮುಂಜಾಗರೂಕತೆ ಅತ್ಯಗತ್ಯ.
ಶಿವಮೊಗ್ಗ ನಗರದ ಅಶೋಕನಗರ, ಶರಾವತಿನಗರ, 100 ರಸ್ತೆ ಹಿಂಬಾಗ,ಓಟಿ ರಸ್ತೆ, ಹಳೇ ಪೋಸ್ಟ್ ಆಪೀಸ್ ರಸ್ತೆ, ಪೆಕ್ಷನ್ ಮೊಹಲ್ಲಾ ಸೇರಿದಂತೆ ಹಲವೆಡೆ ಕಂಡುಬಂದಿದೆ ಎನ್ನಲಾಗಿದೆ.