ಸೇತುವೆಯಿಂದ ಹಾರಲು ಯತ್ನಿಸುತ್ತಿದ್ದ ಯುವಕ ಬಂಧನ
ಶಿವಮೊಗ್ಗ : ತೀರ್ಥಹಳ್ಳಿ ಭಾರತೀಪುರ ಸೇತುವೆ ಮೇಲೆ ಆತ್ಮಹತ್ಯೆ ಮಾಡಿಕೊಳ್ಳುತ್ತೇನೆ ಎಂದು ಹೋದ ವ್ಯಕ್ತಿಯನ್ನು ಪೊಲೀಸರು ರಕ್ಷಣೆ ಮಾಡಿದ್ದಾರೆ.
ಘಟನೆ ನಡೆದ ದಿನ 112ಗೆ ಕರೆಯೊಂದು ಬಂದಿದೆ. ತಮ್ಮ ಮಗನು ಆತ್ಮಹತ್ಯೆ ಮಾಡಿಕೊಳ್ಳಲು ಭಾರತಿಪುರ ಸೇತುವೆ ಮೇಲೆ ನಿಂತಿರುವುದಾಗಿ ಕರೆ ಮಾಡಿದವರು ತಿಳಿಸಿದ್ದರು. ತಕ್ಷಣವೇ ಸ್ಥಳಕ್ಕೆ ತೆರಳಿದ ಸಿಬ್ಬಂದಿ, ಸಂಬಂಧ ಪಟ್ಟ ವ್ಯಕ್ತಿಯನ್ನು ಅವರ ಸಂಬಂಧಿಕರ ಸಹಾಯದಿಂದ ರಕ್ಷಿಸಿ ಸೂಕ್ತ ತಿಳುವಳಿಕೆ ಹಾಗೂ ಎಚ್ಚರಿಕೆ ನೀಡಿದ್ದಾರೆ.
ಹೆಡ್‌ಲೈಟ್ ವಿವಾದ: ಬಸ್ ಚಾಲಕ ಕಂಡಕ್ಟರ್ ಗೆ ಹಲ್ಲೆ
ಶಿವಮೊಗ್ಗ : ಸಾಗರದಲ್ಲಿ ಬಸ್ ಹೆಡ್‌ಲೈಟ್ ಆಫ್ ಮಾಡುವ ವಿಚಾರಕ್ಕೆ ಬಸ್ ಡ್ರೈವರ್ ಹಾಗೂ ಕಂಡಕ್ಟರ್ ಮೇಲೆ ಹಲ್ಲೆ ಮಾಡಿದ ಪ್ರಕರಣವೊಂದರ ಸಂಬಂಧ ಸಾಗರ ಟೌನ್ ಪೊಲೀಸ್ ಠಾಣೆಯಲ್ಲಿ ಎಫ್‌ ಐಆರ್ ದಾಖಲಾಗಿದೆ.
ಕಳೆದ 10 ನೇ ತಾರೀಖು ರಾತ್ರಿ 12 ಗಂಟೆ ಸುಮಾರಿಗೆ ಸಾಗರದ ಹಳೆ ಬಸ್ ನಿಲ್ದಾಣ ( ಜೋಗ ಬಸ್ ನಿಲ್ದಾಣ) ದಲ್ಲಿ ಗೋವಾ ಟು ಮೈಸೂರು ಹೋಗುವ ಬಸ್ಸನ್ನು ನಿಲಿಸಿ ಪ್ರಯಾಣಿಕರ ಲಗೇಜ್ ಇಳಿಸುತ್ತಿರುವಾಗ, ಅಲ್ಲಿಗೆ ಬಂದ ಮೂವರು ಡ್ರೈವರ್‌ಗೆ ಬಸ್ಸಿನ ಲೈಟ್ ಆಫ್ ಮಾಡಲು ಹೇಳಿ ಬಾಯಿಗೆ ಬಂದಂತೆ ಬೈದು ಹೊಡೆಯಲು ಹೋಗಿದ್ದಾರೆ ಎಂದು ದೂರಲಾಗಿದೆ. ಇದನ್ನ ಪ್ರಶ್ನೆ ಮಾಡಿದ್ದಕ್ಕೆ ಕಂಡಕ್ಟ‌ರ್ರವರ ಮೇಲೆ ಹಲ್ಲೆ ಮಾಡಿದ್ದು ಕಂಡಕ್ಟರ್ ಕಿವಿಗೆ ಕಲ್ಲಿನಿಂದ ಗುದ್ದಿ ಗಾಯಗೊಳಿಸಲಾಗಿದೆ. ಈ ಸಂಬಂಧ ಗಾಯಾಳು ನೀಡಿದ ಹೇಳಿಕೆ ಆಧರಿಸಿ ಎಫ್‌ ಐಆರ್ ದಾಖಲಾಗಿದ್ದು ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.
