ಶಿವಮೊಗ್ಗ, ಮಾ.9:
ಶಿವಮೊಗ್ಗ ವಿನೋಬನಗರದ ತರಕಾರಿ ಮಾರುಕಟ್ಟೆ ಕಟ್ಟೆ ಸುಬ್ಬಣ್ಣ ಸ್ಟಾಂಡ್ ಬಳಿಯ ಪುಸ್ತಕ ಹಾಗೂ ಸ್ಟೇಷನರಿ ಅಂಗಡಿ ರಾತ್ರಿಯಿಡೀ ಬೆಂಕಿ ಹೊತ್ತಿ ಉರಿದಿದೆ.

ಇಲ್ಲಿನ ಶಾರದಾ ಬುಕ್ ಹೌಸ್ ನಲ್ಲಿ ಈ ಬೆಂಕಿದುರಂತ ಸಂಭವಿಸಿದ್ದು ಸುಮಾರು ಐದು ಲಕ್ಷ ರೂ ಬೆಲೆಬಾಳುವ ಜೆರಾಕ್ಸ್ ಮಿಷನ್, ಕಂಪ್ಯೂಟರ್ಸ್, ಪುಸ್ತಕಗಳು, ನೋಟ್ ಬುಕ್ ಗಳು, ಸ್ಟೇಷನರಿ ಅಂದರೆ ಪೆನ್ನು, ಪೆನ್ಸಿಲ್, ಜಾಮಿಂಟ್ರಿ ಬಾಕ್ಸ್ ಸೇರಿದಂತೆ ಅಪಾರ ಬಗೆಯ ವಸ್ತುಗಳು ಸಂಪೂರ್ಣ ಬಸ್ಮವಾಗಿವೆ ಎಂದರೆ ರಾತ್ರಿಯಿಡೀ ಬೆಂಕಿ ಉರಿದದ್ದಕ್ಕೆ ಸಾಕ್ಷಿ ಎಂಬಂತಿದೆ.

ಬೆಳಗಿನ ಜಾವವೂ ಬೆಂಕಿ ಇನ್ನೂ ಹೊಗೆಯಾಡುತ್ತಿತ್ತು.
ಬೆಳಿಗ್ಗೆ ಹೋಗಿ ನೋಡಿದ ಪಕ್ಕಡ ಮಳಿಗೆಯವರು ಬುಕ್ ಸ್ಟಾಮ್ ನ ವಿನಯಕುಮಾರ್ ಅವರಿಗೆ ಮಾಹಿತಿ ನೀಡಿದ್ದು, ಸ್ಥಳಕೆ ಅಗ್ನಿಶಾಮಕದಳ ಸಿಬ್ಬಂದಿಗಳು ಬಂದು ಬೆಂಕಿ ನಂದಿಸಿದ್ದಾರೆ. ಮಳಿಗೆಯ ಶೇ. 80ರಷ್ಟು ವಸ್ತುಗಳು ಭಸ್ಮವಾಗಿವೆ.