ಶಿವಮೊಗ್ಗ, ಆ.27:
ಶಿರಾಳಕೊಪ್ಪ ಪೊಲೀಸರಿಂದ ಬರ್ಜರಿ ಬೇಟೆಯಾಡಿ ಕಳ್ಳರನ್ನು ಸೆದೆಬಡಿದಿದ್ದಾರೆ., ಇಬ್ಬರು ಕಳ್ಳರೊಂದಿಗೆ 37,68,900 ಬೆಲೆಬಾಳುವ ಬಂಗಾರ, ಬೆಳ್ಳಿ, ಕಾರು ಸೇರಿದಂತೆ ವಿವಿಧ ವಸ್ತುಗಳನ್ನು ವಶಪಡಿಸಿಕೊಂಡಿದ್ದಾರೆ.
ಇಲಾಖಾ ಮಾಹಿತಿ
ದಿನಾಂಕಃ- 21-08-2021 ರಂದು ಮಂಜುನಾಥ್, ವಾಸ ಶಿಕಾರಿಪುರ ಟೌನ್ ರವರು ಶಿರಾಳಕೊಪ್ಪ ಠಾಣಾ ವ್ಯಾಪ್ತಿಯ ಶಿಕಾರಿಪುರ-ಶಿರಾಳಕೊಪ್ಪ ರಸ್ತೆಯ ಬದಿ ಬೈಕ್ ನಿಲ್ಲಿಸಿಕೊಂಡು ನಿಂತಿದ್ದಾಗ 04 ಜನ ಅಪರಿಚಿತರು 02 ದ್ವಿಚಕ್ರವಾಹನಗಳಲ್ಲಿ ಬಂದು ಮಂಜುನಾಥ್ ರವರ ಕೊರಳಿನಲ್ಲಿದ್ದ ರೋಲ್ಡ್ ಗೋಲ್ಡ್ ಸರ, ನಗದು ಹಣ ಹಾಗೂ ಮೊಬೈಲ್ ಫೋನ್ ಕಿತ್ತುಕೊಂಡು ಹೋಗಿರುತ್ತಾರೆಂದು ನೀಡಿದ ದೂರಿನ ಮೇರೆಗೆ ಕಲಂ 392 ಸಹಿತ 34 ಐಪಿಸಿ ರಿತ್ಯಾ ಪ್ರಕರಣ ದಾಖಲಿಸಿ, ತನಿಖೆ ಕೈಗೊಂಡು, ಸಿಪಿಐ ಶಿಕಾರಿಪುರ ವೃತ್ತ, ಪಿಎಸ್ಐ ಶಿರಾಳಕೊಪ್ಪ ಹಾಗೂ ಸಿಬ್ಬಂದಿಗಳ ತಂಡವು ದಿನಾಂಕಃ- 27-08-2021 ರಂದು ಆರೋಪಿತರಾದ 1)ಸೈಯದ್ ಇಸ್ರಾರ್, 26 ವರ್ಷ, ಮೇಲಿನಕೇರಿ, ಸಂಡ ಗ್ರಾಮ, ಶಿಕಾರಿಪುರ, 2) ಇರ್ಫಾನ್ ಅಹ್ಮದ್, 32 ವರ್ಷ, ಮೇಲಿನಕೇರಿ, ಸಂಡ ಗ್ರಾಮ, ಶಿಕಾರಿಪುರ, ಹಾಗೂ ಒಬ್ಬ ಕಾನೂನು ಸಂಘರ್ಷಕ್ಕೊಳಗಾದ ಬಾಲಕನನ್ನು ವಶಕ್ಕೆ ಪಡೆದು, ಇವರಿಂದ ಶಿರಾಳಕೊಪ್ಪ ಠಾಣೆ- 04,

ಶಿಕಾರಿಪುರ ಟೌನ್ ಠಾಣೆ- 02, ದೊಡ್ಡಪೇಟೆ ಠಾಣೆ- 01, ಕುಂಸಿ ಠಾಣೆ- 01 ಹಾಗೂ ರಾಣೆಬೆನ್ನೂರು ಠಾಣೆ- 01 ಪ್ರಕರಣ ಸೇರಿ ಒಟ್ಟು 10 ಪ್ರಕರಣಗಳಿಗೆ ಸೇರಿದ *ಒಟ್ಟು ಮೌಲ್ಯ 37,68,900/- ರೂಗಳ 561 ಗ್ರಾಂ ಬಂಗಾರದ ಆಭರಣ, 9 ಕೆಜಿ 960 ಗ್ರಾಂ ಬೆಳ್ಳಿಯ ಸಾಮಗ್ರಿ, 06 ದ್ವಿ ಚಕ್ರ ವಾಹನ, 01 ಕಾರು ಹಾಗೂ 01 ಮೊಬೈಲ್ ಫೋನ್ ಅನ್ನು ವಶಪಡಿಸಿಕೊಳ್ಳಲಾಗಿದೆ.