ಶಿವಮೊಗ್ಗ : ಭದ್ರಾವತಿಯ ಹಳೆಸೀಗೆಬಾಗಿ ಹೊಳೆಹೊನ್ನೂರು ರಸ್ತೆಯ ಹತ್ತಿರ ದ್ವಿಚಕ್ರವಾಹನದಲ್ಲಿ ಗಾಂಜಾ ಮಾರಾಟ ಮಾಡುತ್ತಿದ್ದ ಆರು ಮಂದಿಯನ್ನು ಪೊಲೀಸರು ಬಂಧಿಸಿದ್ದಾರೆ.
ಭದ್ರಾವತಿ ಹೊಸಮನೆ ನಿವಾಸಿಗಳಾದ ದಕ್ಷಿಣಾಮೂರ್ತಿ(37), ಸುದೀಪ್ ಕುಮಾರ್(30), ವಿಜಯನಗರದ ಡ್ಯಾನಿಯಲ್(25), ಸಂತೆ ಮೈದಾನದ ಕಿರಣ್(23), ಜನ್ನಾಪುರದ ಪವನ್ ಕುಮಾರ್(25) ಹೊಸ ಕೋಡಿಹಳ್ಳಿಯ ನವೀನ್ ಕುಮಾರ್(26) ಬಂಧಿತರಿಂದ ಅಂದಾಜು3500 ರೂ. ಮೌಲ್ಯದ 1 ಕೆ.ಜಿ 350 ಗ್ರಾಂ ತೂಕದ ಗಾಂಜಾ ವಶಕ್ಕೆ ಪಡೆಯಲಾಗಿದ್ದು, 800 ರೂ. ನಗದು ಮತ್ತು ಕೃತ್ಯಕ್ಕೆ ಬಳಸಿದ ೨ ದ್ವಿಚಕ್ರ ವಾಹನಗಳನ್ನು ಜಪ್ತಿ ಮಾಡಲಾಗಿದೆ.
ಖಚಿತ ಮಾಹಿತಿ ಮೇರೆಗೆ ಭದ್ರಾವತಿ ನಗರ ವೃತ್ತ ಸಿಪಿಐ ನೇತೃತ್ವದಲ್ಲಿ ಸಿಬ್ಬಂದಿಗಳ ಜೊತೆ ದಾಳಿ ನಡೆಸಿ ಆರೋಪಿಗಳನ್ನು ಬಂಧಿಸಿದ್ದಾರೆ.