ಶಿವಮೊಗ್ಗ.ಡಿ.21 : ಶಿವಮೊಗ್ಗ : ಜನರಿಂದ ಜನರಿಗಾಗಿ ಆಯ್ಮೆಯಾದ ಜನಪ್ರತಿನಿಧಿಗಳು ಪವಿತ್ರವಾದ ಶಾಸನ ಸಭೆಯಲ್ಲಿ
ಮೂರನೇ ದರ್ಜೆಯ ಭಾಷೆ ಬಳಸಿ ಕಚ್ವಾಡುವ ಮೂಲಕ ಶಾಸನ ಸಭೆಯ ಮಹತ್ವವನ್ನು ಹಾಳು ಮಾಡಿರುವುದು ಅತ್ಯಂತ ನಾಚಿಗೇಡಿನ ಸಂಗತಿ ಎಂದು ರೈತ ಮುಖಂಡ ಕೋಡಿಹಳ್ಳಿ ಚಂದ್ರಶೇಖರ್ ಕಿಡಿಕಾರಿದ್ದಾರೆ.
ಪತ್ರಿಕಾಗೋಷ್ಟಿಯಲ್ಲಿ ಇಂದು ವಿಧಾನ ಪರಿಷತ್ ಸದಸ್ಯ ಸಿ.ಟಿ.ರವಿ ಅವರ ಪ್ರಕರಣವನ್ನು ಪ್ರಸ್ತಾಪಿಸಿದ ಅವರು, ಶಾಸನ ಸಭೆಯಲ್ಲಿ ನಾಡಿನ ಸಮಸ್ಯೆಗಳನ್ನು ಚರ್ಚೆ ಮಾಡ ಬೇಕಾಗಿತ್ತಾದರೂ, ಜನಪ್ರತಿನಿಧಿಗಳು ಅದನ್ನು ಮರೆತು ವೈಯಕ್ತಿಕ ವಿಚಾರಗಳನ್ನು ಪ್ರಸ್ತಾಪಿಸಿ ಮೂರನೇ ದರ್ಜೆ ಯ ಪದಬಳಸಿ ಕಚ್ವಾಡಿಕೊಂಡಿರುವುದು ಈ ನಾಡಿನಜನರಿಗೆ ಮಾಡಿದ ಅವಮಾನ.
ಇವರಾರಿಗೂ ಜನರ ಬಗ್ಗೆ ಕಾಳಜಿ ಇಲ್ಲ ಎನ್ನುವುದು ಇದರಿಂದ ಸಾಬೀತಾಗಿದೆ ಎಂದುದೂರಿದರು.
ಇದೇ ವೇಳೆ ಅವರು ಸರ್ಕಾರವು ಬೆಳಗಾವಿಯಲ್ಲಿ ಗಾಂಧೀಜಿಯವರ ಅಧ್ಯಕ್ಷತೆಯಲ್ಲಿ ನಡೆದ ಕಾಂಗ್ರೆಸ್ ಅದ
ಧಿವೇಶನದ ಶತಮಾನೋತ್ಸವ ಸಮಾರಂಭ ಆಯೋಜಿಸಿದ್ದಕ್ಕೆ ಖಾರವಾಗಿ ಪ್ರತಿಕ್ರಿಯೆ ನೀಡಿದ ಆವರು, ಗಾಂಧೀಜಿಯವರ ಬಗ್ಗೆ ಮಾತನಾಡುವ ನೈತಿಕತೆ ಮುಖ್ಯಮಂತ್ರಿ ಸಿದ್ದರಾಮಯ್ಯ ಸೇರಿದಂತೆ ಕಾಂಗ್ರೆಸ್ ಪಕ್ಷದ ಯಾವುದೇ ನಾಯಕರಿಗೂ ಇಲ್ಲ. ಈ ನಾಡಿನಜನರು, ರೈತರು, ದಲಿತರ ಬಗ್ಗೆ ಯಾವುದೇ ಕಾಳಜಿ ಇರದ ಇವರು ಗಾಂಧಿಜಿಯವರನ್ನ ನೆಪಮಾತ್ರಕ್ಮೆ ನೆನೆಯುವುದರಲ್ಲಿ ಅರ್ಥವಿಲ್ಲ ಅಂದು ಆರೋಪಿಸದರು.
ರೈತರ ಸಮಸ್ಯೆ ಇಟ್ಡುಕೊಂಡು ರಾಜ್ಯ ರೈತ ಸಂಘವು ಬೆಳಗಾವಿಯಲ್ಲಿ ಪ್ರತಿಭಟನೆ ನಡೆಸಿತು. ಬಹುಮುಖ್ಯವಾಗಿ ಹಿಂದಿನಬಿಜೆಪಿಸರ್ಕಾರ ಜಾರಿಗೆ ತಂದ ಭೂ ಸುಧಾರಣೆ ತಿದ್ದು ಪಡಿ ಕಾಯ್ದೆ ವಾಪಾಸ್ ಪಡೆಯಬೇಕೆಂದು ನಾವು ಪ್ರತಿಭಟನೆ ನಡೆಸಿದ ವೇಳೆ ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು, ಈಕಾಯ್ದೆಯನ್ನು ಜನವರಿ ಅಂತ್ಯದೊಳಗೆ ವಾಪಾಸ್ ಪಡೆಯವುದಾಗಿಭರವಸೆ ನೀಡಿದ್ದಾರೆ. ಹಾಗೊಂದು ವೇಳೆ ಇದುಪರಿಷತ್ತಿಗೆ ಹೋದರೆ ಮಾರ್ಚ್ ಹೊತ್ತಿಗೆ ವಾಪಾಸ್ ಪಡೆಯಲಾಗುವುದು ಎಂದು ಭರವಸೆನೀಡಿದ್ದಾರೆಂದು ಕೋಡಿಹಳ್ಳಿಚಂದ್ರಶೇಖರ್ ತಿಳಿಸಿದರು.
ಇನ್ನು ಸ್ವಾಮಿನಾಥನ್ ವರದಿ ಪ್ರಕಾರ ದೇಶದಲ್ಲಿ ಎಂ ಎಸ್ ಪಿ( ಬೆಂಬಲಬೆಲೆ) ಜಾರಿಗೆ ಬರಬೇಕೆನ್ನುವುದು ನಮ್ಮ ಪ್ರಮುಖ ಭೇಡಿಕೆಯಾಗಿದೆ. ಎಂ ಎಸ್ ಪಿ ಶಾಸನಬದ್ದವಾಗಿ ಜಾರಿಗೆ ಬರಬೇಕು.
ಈ ಕುರಿತಂತೆ ಪ್ರಧಾನಿ ನರೇಂದ್ರ ಮೋದಿ ಅವರು ಲೋಕಸಭೆ ಚುನಾವಣೆ ವೇಳೆ ಎಂ ಎಸ್ ಪಿಜಾರಿಗೆ ಭರವಸೆ ನೀಡಿದ್ದರು..ಅವರು ಅಧಿಕಾರಕ್ಕೆ ಬಂದು ಇಷ್ಟು ದಿನವಾದರೂ ಎಂ ಎಸ್ ಪಿ ಜಾರಿ ಆಗಿಲ್ಲ. ಈ ಹಿನ್ನೆಲೆಯಲ್ಲಿ ದೆಹಲಿಯಲ್ಲಿ ರೈತರು ನಡೆಸುತ್ತಿರುವ ಹೋರಾಟಕ್ಕೆ ನಮ್ಮಬೆಂಬಲವಿದೆ. ಇದರ ಜತೆಗೆ ನಾವು ಯಾವ ರೀತಿಯ ಹೋರಾಟ ನಡೆಸಬೇಕೆನ್ನುವುದನ್ನು ಎನ್. ಡಿ.ಸುಂದರೇಶ್ ನೆನಪಿನ ಸಭೆಯಲ್ಲಿ ಚರ್ಚೆ ಮಾಡಲಿದ್ದೇವೆ ಎಂದು ಅವರು ತಿಳಿಸಿದರು. ಪತ್ರಿಕಾ ಗೋಷ್ಟಿಯಲ್ಲಿ ರೈತ ಮುಖಂಡರಾದ ಉಮೇಶ್ ಪಾಟೀಲ್, ಮಂಜುನಾಥ್ ಗೌಡ, ಚನ್ನಬಸಪ್ಪ ಮಲ್ಲಶೆಟ್ಟಿಹಳ್ಳಿ, ಭಕ್ತರ ಹಳ್ಳಿ ಭೈರೇಗೌಡ, ಸೊರಬದ ಈಶ್ವರಪ್ಪ ಸೇರಿದಂತೆ ಮತ್ತಿತರರು ಇದ್ದರು.
