ಶಿವಮೊಗ್ಗ,ಏ.1: ಶ್ರೀ ವಿಶ್ವಕರ್ಮ ಯಕ್ಷಾಭಿಮಾನಿ ವೇದಿಕೆ ವತಿಯಿಂದ ಏ.7ರಂದು ಸಂಜೆ 4ಕ್ಕೆ ಕುವೆಂಪು ರಂಗಮಂದಿರದಲ್ಲಿ ಭಾವಯಾನ ಎಂಬ ಸಂಗೀತ ಕಾರ್ಯಕ್ರಮವನ್ನು ಆಯೋಜಿಸಲಾಗಿದೆ ಎಂದು ವೇದಿಕೆಯ ಮುಖ್ಯಸ್ಥ ಶಶಿ ಎಸ್. ಮಂಗಳಗಾರ್ ಹೇಳಿದರು.
ಅವರು ಇಂದು ನಡೆದ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿ, ಭಾವಯಾನ ಕಾರ್ಯಕ್ರಮ ಎನ್ನುವುದು ಅತ್ಯಂತ ಸುಮಧುರ, ಸುಂದರ ಗೀತೆಗಳ ಪಯಣವಾಗಿದೆ. ಬೆಂಗಳೂರಿನ ಪರಮಪದ ತಂಡದವರಿAದ ಈ ಕಾರ್ಯಕ್ರಮ ಆಯೋಜಿಸಲಾಗಿದ್ದು, ಖ್ಯಾತ ಗಾಯಕ ರಾಮಚಂದ್ರ ಅಡಪದ್, ಸ್ಪರ್ಶ ಆರ್.ಕೆ., ಶರಧಿ ಪಟೀಲ್‌ವರ ಗಾಯನವಿರುತ್ತದೆ ಎಂದರು.
ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ರಾಜ್ಯೋತ್ಸವ ಪುರಸ್ಕೃತ ಸಂಪಾದಕ ಚಂದ್ರಕಾAತ್ ವಹಿಸುವರು. ಯಕ್ಷಗಾನ ಕಲಾವಿದ ಎಂ.ಕೆ. ರಮೇಶ್‌ಚಾರ್ ಕಾರ್ಯಕ್ರಮ ಉದ್ಘಾಟಿಸುವರು ಎಂದರು.
ಈ ಕಾರ್ಯಕ್ರಮದಲ್ಲಿ ಪ್ರಮುಖವಾಗಿ ಆಯೋಧ್ಯೆ ರಾಮಲಲ್ಲಾ ಮೂರ್ತಿ ಖ್ಯಾತಿಯ ಶಿಲ್ಪಿ ಮೈಸೂರಿನ ಅರುಣ್ ಯೋಗರಾಜ್ ಹಾಗೂ ಆಯೋಧ್ಯೆ ರಥಾಶಿಲ್ಪಿ ರಾಜಗೋಪಾಲ್ ಆಚಾರ್ಯರವರನ್ನು ಸನ್ಮಾನಿಸಲಾಗುವುದು ಇವರನ್ನು ಸನ್ಮಾನಿಸುವುದು ನಮ್ಮ ಹೆಮ್ಮೆ ಕೂಡ ಎಂದರು.
ಕಾರ್ಯಕ್ರಮದಲ್ಲಿ ಪ್ರಮುಖರಾದ ಸಿ.ಎಸ್.ಷಡಾಕ್ಷರಿ, ಮಧುಸೂದನ್, ಉಮೇಶ್ ಹಲಾಡಿ, ಎನ್.ಗೋಪಿನಾಥ್, ವೈ.ಕೆ.ಸೂರ್ಯನಾರಾಯಣ್, ಎಂ.ಎನ್. ಸುಂದರರಾಜ್, ನಿವೇಧನ್, ಹರ್ಷ ಕಾಮಂತ್, ಸುರೇಶ್ ಬಾಳೆಗುಂಡಿ ಮುಂತಾದವರು ಇರುತ್ತಾರೆ ಎಂದರು.
ಭಾವಯಾನ ಕಾರ್ಯಕ್ರಮದ ನಿರೂಪಣೆಯನ್ನು ರಾಘವೇಂದ್ರ ಕಾಂಚನ್ ನಡೆಸಲಿದ್ದು, ಶಿವಮೊಗ್ಗದವರೇ ಆದ ದೀಪಕ್ ಜಯಶೀಲನ್ ನೇತೃತ್ವದ ವಾದ್ಯವೃಂದ ಇರುತ್ತದೆ ಎಂದರು.
ಕಾರ್ಯಕ್ರಮ ಉಚಿತವಾಗಿದೆ ಆದರು, ಉಚಿತ ಪ್ರವೇಶಪತ್ರ ಪಡೆದವರಿಗೆ ಮಾತ್ರ ಅವಕಾಶವಿರುತ್ತದೆ. ಈ ಉಚಿತ ಪ್ರವೇಶ ಪತ್ರಗಳು ದುರ್ಗಿಗುಡಿಯ ಗಾಯಿತ್ರಿ ಜ್ಯುವೆರ‍್ಸ್, ಡ್ರಸ್‌ಲೈನ್, ಹೋಟೆಲ್ ಶುಭಂ, ಸಹ್ಯಾದ್ರಿ ಡ್ರಗ್‌ಹೌಸ್, ವಿವಿ ಜ್ಯುಯರ‍್ಸ್, ವಿಧಾತ್ರಿ ಭವನ, ಗಾಂಧಿನಗರ, ಎಸ್‌ಬಿಐ ಲೈಫ್ ನಲ್ಲಿ ದೊರೆಯುತ್ತದೆ ಎಂದರು.
ಪತ್ರಿಕಾಗೋಷ್ಠಿಯಲ್ಲಿ ಮಂಜುನಾಥ್ ನವುಲೆ, ಸಚಿನ್ ಎನ್.ವಿ., ಸಂಜಯ್‌ಕುಮಾರ್ ಎಸ್., ಅಥರ್ವ ಇದ್ದರು.
