ಶಿವಮೊಗ್ಗ ಸಮೀಪದ ಗೆಜ್ಜೇನಹಳ್ಳಿ ಬಳಿಯ ಅವಘಡದಲ್ಲಿ ಸಾವು ಕಂಡ ಯುವಕ ಮೋಹನ

ಶಿವಮೊಗ್ಗ, ಡಿ.23:

ಕಲ್ಲು ತುಂಬಿದ್ದ ಟ್ರಾಕ್ಟರ್ ಉರುಳಿಬಿದ್ದ ಪರಿಣಾಮ ಸ್ಥಳದಲ್ಲೇ ಯುವಕನೋರ್ವ ಸಾವು ಕಂಡು ಮತ್ತೋರ್ವ ಯುವಕ ಗಂಭೀರ ಗಾಯಗೊಂಡ ಘಟನೆ ಇಂದು ಬೆಳಿಗ್ಗೆ ಗೆಜ್ಜೆನಹಳ್ಳಿ ಬಳಿ ನಡೆದಿದೆ.
ಶಿವಮೊಗ್ಗ ಹೊರವಲಯದ ಗೆಜ್ಜೆನಹಳ್ಳಿ ಬಳಿ ಕೋರೆಯೊಂದರಿಂದ ಕಲ್ಲು ಸಾಗಿಸುತ್ತಿದ್ದಾಗ ಈ ಅವಘಡ ಸಂಭವಿಸಿದ್ದು ಸಾವು ಕಂಡ ಯುವಕನನ್ನು ಮೋಹನ ಎಂದು ಗುರುತಿಸಲಾಗಿದೆ.
ಇದೇ ಸಂದರ್ಭದಲ್ಲಿ ಟ್ರಾಕ್ಟರ್ ನಲ್ಲಿದ್ದ ರಘು ಗಂಭೀರ ಗಾಯಗೊಂಡಿದ್ದು ಆತನನ್ನು ಶಿವಮೊಗ್ಗದ ಖಾಸಗಿ ಆಸ್ಪತ್ರೆಗೆ ಸೇರಿಸಲಾಗಿದೆ. ಇಬ್ಬರೂ 18 ವರ್ಷದ ವಯೋಮಿತಿಯ ಯುವಕರಿಂದ ಹೇಳಲಾಗಿದೆ.
ನಿನ್ನೆ ತಾನೇ ಗ್ರಾಮಪಂಚಾಯಿತಿ ಚುನಾವಣೆ ಮುಗಿಸಿದ್ದ ಗ್ರಾಮದಲ್ಲಿ ಈಗ ಯುವಕನ ಸಾವು ಸೂತಕ ವಾತಾವರಣವನ್ನು ನಿರ್ಮಿಸಿದೆ.