ಶಿವಮೊಗ್ಗ, ಡಿ.22:
ಮೂರು ತಾಲೂಕಿನ 113 ಗ್ರಾಮಪಂಚಾಯತ್ ಚುನಾವಣೆಯ 3284 ಜನರ ಅಭ್ಯರ್ಥಿಗಳ ಭವಿಷ್ಯ ಬ್ಯಾಲೆಟ್ ಪೇಪರ್ ಗಳು ಮತದಾನದ ಬಾಕ್ಸ್ ನಲ್ಲಿ ಸೇರಿದೆ. ಈ ಎಲ್ಲಾ ಅಭ್ಯರ್ಥಿಗಳ ಭವಿಷ್ಯ ಡಿ.30 ರಂದು ಗೊತ್ತಾಗಲಿದೆ.
ಇಂದು ಬೆಳಗೆ 7 ರಿಂದ ಆರಂಭಗೊಂಡ ಮೊದಲಹಂತದ ಚುನಾವಣೆಯ ಮತದಾನ ಸಂಜೆ 5 ಗಂಟೆಯವರೆಗೆ ನಡೆದಿದ್ದು ಶೇ. 82.94 ರಷ್ಟು ಮತದಾನವಾಗಿ
ಈಗಾಗಲೇ ಅವಿರೋಧವಾಗಿ 82 ಅಭ್ಯರ್ಥಿಗಳು ಆಯ್ಕೆಯಾಗಿದ್ದಾರೆ. ಬೆಳಿಗ್ಗೆ 9ಕ್ಕೆ ಶೇ.8.33 ರಷ್ಟು ಮತದಾನವಾದರೆ, 11 ರ ಸಮಯಕ್ಕೆ 24.28 ರಷ್ಟು ಮತದಾನವಾಗಿದೆ. ಮಧ್ಯಾಹ್ನ 1 ಗಂಟೆಯ ವೇಳೆಗೆ ಶೇ. 46.17 ಮತದಾನವಾಗಿತ್ತು.

ಮಧ್ಯಾಹ್ನ 3ರ ವೇಳೆಗೆ ಶೇ.62.93 ರಷ್ಟು ಮತದಾನ ನಡೆದಿದೆ, ಸಂಜೆ 5 ಗಂಟೆಗೆ ಮತದಾನ ಪ್ರಕ್ರಿಯೆ ಮುಕ್ತಾಯಗೊಂಡಿದ್ದು ಈ ಸಂದರ್ಭದಲ್ಲಿ ತೀರ್ಥಹಳ್ಳಿಯಲ್ಲಿ ಶೇ.81.33, ಭದ್ರಾವತಿಯಲ್ಲಿ ಶೇ.82.07 ಹಾಗೂ ಶಿವಮೊಗ್ಗದಲ್ಲಿ ಶೇ.84.91 ರಷ್ಟು ಮತದಾನವಾಗಿದೆ ಎಂದು ತಿಳಿದುಬಂದಿದೆ.