ಶಿವಮೊಗ್ಗ, ನ.೦3: ಹೊಸಪೇಟೆಯಿಂದ ಧರ್ಮಸ್ಥಳಕ್ಕೆ ಹೋಗುತ್ತಿದ್ದ ಬಸ್‌ಗೆ ಬೈಕ್‌ವೊಂದು ಡಿಕ್ಕಿ ಹೊಡೆದ ಪರಿಣಾಮ ಅಂಜಲಿ ಎಂಬ ಗರ್ಭಿಣಿ ಮಹಿಳೆ ಸಾವನ್ನಪ್ಪಿರುವ ಘಟನೆ ಚಟ್ನಳ್ಳಿಯಲ್ಲಿ ನಡೆದಿದೆ.
ಬೈಕ್‌ವೊಂದು ಓಮಿನಿ ಕಾರೊಂದನ್ನ ಹಿಂದಕ್ಕೆ ಹಾಕುವ ವೇಳೆ ಹೊಸಪೇಟೆಯಿಂದ ಧರ್ಮಸ್ಥಳಕ್ಕೆ ಹೋಗುತ್ತಿದ್ದ ಕೆ.ಎಸ್.ಆರ್.ಟಿಸಿ ಬಸ್‌ಗೆ ಡಿಕ್ಕಿ ಹೊಡೆದಿದೆ. ಗಂಡ ಹೆಂಡತಿಯು ಹೋಗುತ್ತಿದ್ದ ಬೈಕ್‌ನಲ್ಲಿ ಗಂಡ ಅರುಣ್ ಕುಮಾರ್ ರಸ್ತೆಯ ಎಡಗಡೆ ಬಿದ್ದ ಪರಿಣಾಮ ಬದುಕಿ ಉಳಿದಿದ್ದಾರೆ. ಆದರೆ ಬೈಕ್‌ನ ಹಿಂಬದಿ ಸವಾರರಾಗಿದ್ದ ಪತ್ನಿ ಅಂಜಲಿ ರಸ್ತೆಯ ಬಲಭಾಗದಲ್ಲಿ ಬಿದ್ದ ಪರಿಣಾಮ ಅವರ ತಲೆಯ ಮೇಲೆ ಬಸ್ ಹರಿದಿದೆ.
ಎಂಟು ತಿಂಗಳ ಗರ್ಭಿಣಿಯಾಗಿದ್ದ ಅಂಜಲಿ ಅವರು, ಶಿವಮೊಗ್ಗದ ಖಾಸಗಿ ಆಸ್ಪತ್ರೆಯಲ್ಲಿ ತೋರಿಸಿಕೊಂಡು ಆನವೇರಿಯ ಸೈದರ್ ಕಲ್ಲಹಳ್ಳಿಯಲ್ಲಿರುವ ಮನೆಗೆ ಹೋಗುವಾಗ ಈ ಘಟನೆ ನಡೆದಿದೆ. ಗ್ರಾಮಾಂತರ ಪೊಲೀಸ್ ಠಾಣೆಯ ವ್ಯಾಪ್ತಿಯಲ್ಲಿ ಪ್ರಕರಣ ನಡೆದಿದೆ.
