:

ಸ್ವಾತಂತ್ರ್ಯದ ಅಮೃತ ಮಹೋತ್ಸವ ಅಭಿಯಾನದಲ್ಲಿ ರಾಜಕಾರಣ ಮಾಡಬೇಡಿ. ಸ್ವಾತಂತ್ರ್ಯಕ್ಕಾಗಿ ಹೋರಾಡಿದ ಸ್ವರ್ಗದಲ್ಲಿರುವ ಮಹಾತ್ಮರು ಕಾಂಗ್ರೆಸ್ ಪಕ್ಷದ ವರ್ತನೆಯಿಂದ ಬೇಸರವಾಗುತ್ತಾರೆ. ನಿಮ್ಮ ಪಕ್ಷದೊಳಗೆ ಎಷ್ಟಾದರೂ ಬಡಿದಾಡಿಕೊಳ್ಳಿ. ಆದರೆ, ದೇಶ ಭಕ್ತಿ ವಿಷಯ ಬಂದಾಗ ಯುವಕರಿಗೆ ದೇಶಭಕ್ತಿಯ ಬಗ್ಗೆ ಸ್ಪೂರ್ತಿ ಕೊಡಿ ಎಂದು ಮಾಜಿ ಡಿಸಿಎಂ ಕೆ.ಎಸ್. ಈಶ್ವರಪ್ಪ ಹೇಳಿದ್ದಾರೆ.

ಇಂದು ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ನೀವು ಹೀಗೇ ಎಲ್ಲವನ್ನೂ ವಿರೋಧಿಸುತ್ತಾ ಹೋದರೆ ನಿಮಗೆ ಜನ ವಿರೋಧಪಕ್ಷದ ಸ್ಥಾನದಿಂದಲೂ ಮನೆಗೆ ಕಳಿಸುತ್ತಾರೆ. ಸಿದ್ಧರಾಮೋತ್ಸವದಿಂದ ಬಿಜೆಪಿ ಹೆದರಿಕೆಯಾಗಿದೆ. ನನ್ನ ಬಗ್ಗೆ ಭಯ ಎಂದು ಸಿದ್ಧರಾಮಯ್ಯ ಅವರು ಹೇಳುತ್ತಾರೆ. ಕಳೆದ ಬಾರಿ ಲೋಕಸಭೆ ಚುನಾವಣೆಯಲ್ಲಿ 28 ಸ್ಥಾನ ಗೆಲ್ಲುತ್ತೇವೆ ಎಂದವರಿಗೆ ಜನ ನೀಡಿದ್ದು ಕೇವಲ ಒಂದೇ ಸ್ಥಾನ. ಬಿಜೆಪಿ 25 ಸ್ಥಾನ ಗಳಿಸಿತ್ತು. ಬಿಜೆಪಿ ಯುವಕರು ಸಿಂಹದಂತೆ ಇದ್ದಾರೆ. ರಾಷ್ಟ್ರಭಕ್ತರಿದ್ದಾರೆ. ಮೋದಿ ಭಯ ಕಾಂಗ್ರೆಸ್ ನವರಿಗೆ ಕಾಡುತ್ತಿದೆ ಎಂದರು.

ಸಿದ್ಧರಾಮೋತ್ಸವದಂತಹ ನೂರಾರು ಕಾರ್ಯಕ್ರಮಗಳನ್ನು ಬಿಜೆಪಿ ಮಾಡಿದೆ. ಅವರ ಉತ್ಸವಕ್ಕೆ ತಕ್ಕ ಉತ್ತರವನ್ನು ಜನ ಚುನಾವಣೆಯಲ್ಲಿ ನೀಡುತ್ತಾರೆ. ಡಿ.ಕೆ. ಶಿವಕುಮಾರ್, ನಲಪಾಡ್ ನಂತಹ ತಿಹಾರ್, ಪರಪ್ಪನ ಅಗ್ರಹಾರ ಜೈಲಿಗೆ ಹೋದವರನ್ನು ನಾಯಕರಾಗಿಸಿಕೊಂಡು ದೇಶವನ್ನು

ಒಡೆದು ಮೂರು ಭಾಗ ಮಾಡಿದ ನೆಹರೂ ಅವರಂತಹ ನಾಯಕರನ್ನು ನಾವು ಒಪ್ಪುವುದಿಲ್ಲ. ದೇಶಕ್ಕಾಗಿ ಹೋರಾಡಿದ ಹಳೆ ಕಾಂಗ್ರೆಸ್ ಈಗಿಲ್ಲ. ಪಟೇಲ್, ಶ್ಯಾಮ ಪ್ರಸಾದ್ ಮುಖರ್ಜಿ ಅವರಂತಹ ದೇಶಭಕ್ತರು ನಮ್ಮ ನಾಯಕರು. ದೇಶ ಒಡೆದವರಿಂದ ನಾವು ಪಾಠ ಕಲಿಯಬೇಕಿಲ್ಲ ಎಂದರು.