ಶಿವಮೊಗ್ಗ,ಜ.06:
ಶಿವಮೊಗ್ಗ ಗ್ರಾಮಾಂತರ ಭಾಗದಲ್ಲಿ ದ್ವಿಚಕ್ರ ವಾಹನವನ್ನ‌ ಕಳವು ಮಾಡಿರುವ ಮೂವರು ಆರೋಪಿಗಳನ್ನ‌ ಪೊಲೀಸರು ಬಂಧಿಸಿ 15 ದ್ವಿಚಕ್ರ ವಾಹನವನ್ನ‌ ವಶಪಡಿಸಿಕೊಂಡಿದ್ದಾರೆ.
ಶಿವಮೊಗ್ಗದ ಹರಿಗೆಯ ನಿವಾಸಿ ಸೋಮಣ್ಣ ಎಂಬುವರು ಮನೆ ಮುಂದೆ ನಿಲ್ಲಿಸಿದ ಹಿರೋಹೊಂಡಾ ಸ್ಪ್ಲೆಂಡರ್ ವಾಹನವನ್ನ 2020 ರಲ್ಲಿ ಕಳವು ಮಾಡಲಾಗಿತ್ತು. ಈ ಪ್ರಕರಣವನ್ನ ದಾಖಲಿಸಿಕೊಂಡು ತಂಡ ರಚಿಸಿದ ಪಿಐ ಸಂಜೀವ್ ಕುಮಾರ್ ನೇತೃತ್ವದಲ್ಲಿ ಭರ್ಜರಿ ಕಾರ್ಯಾಚರಣೆ ನಡೆಸಲಾಗಿತ್ತು.
ಶಿವಮೊಗ್ಗದ ವಿನಾಯಕ ನಗರದ ರಾಜಪ್ಪ ಯಾನೆ ರಾಜಾಹುಲಿ ಉರ್ಫ್ ಮಂಜಪ್ಪ, ರಾಗಿಗುಡ್ಡದ ಸೈಯ್ಯದ್ ಸುಬಾನು, ಕೊಮ್ಮನಾಳು ಗ್ರಾಮದ ಮಂಜುನಾಥ್ ಎಂಬ ಮೂವರು ಆರೋಪಿಗಳನ್ನ ಬಂಧಿಸಿ 15 ಬೈಕ್ ಗಳನ್ನ ವಶಪಡಿಸಿಕೊಳ್ಳಲಾಗಿದೆ.

ಈ ಮೂವರು ಆರೋಪಿಗಳು ಸಾಗರ ಟೌನ್, ಸಾಗರ ಗ್ರಾಮಾಂತರ, ಶಿಕಾರಿಪುರ ಟೌನ್, ಭದ್ರಾವತಿ ಹಳೇನಗರ, ಮಾಳೂರು, ಹೊನ್ನಾಳಿ, ಹರಿಹರ ಟೌನ್, ಮಲೆಬೆನ್ನೂರು, ದಾವಣಗೆರೆ ಹಾಗೂ ಹಾವೇರಿ ಟೌನ್ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ. ಕಳವು 15 ಬೈಕ್ ಗಳ ಮೌಲ್ಯ 3.50 ಲಕ್ಷ ಎಂದು ಅಂದಾಜಿಸಲಾಗಿದೆ.