ಶಿವಮೊಗ್ಗ:
ಇಲ್ಲಿನ ಶಿವಪ್ಪನಾಯಕ ಬಡಾವಣೆ ಮನೆಯೊಂದರ ಟಾಯ್ಲೆಟ್ ಫಿಟ್ ನಲ್ಲಿ ಸುಮಾರು ನಾಲ್ಕು ಅಡಿ ಉದ್ದದ ಬುಸಗುಡುವ ನಾಗರ ಹಾವು ಇಂದು ಬೆಳಿಗ್ಗೆ ಪ್ರತ್ಯಕ್ಷವಾಗಿ ಆತಂಕ ಸೃಷ್ಟಿಸಿತ್ತು.
ಮನೆಯ ಮಾಲಿಕರು ಬಡಾವಣೆಯ ಜನರ ಸಹಕಾರದಿಂದ ತಕ್ಷಣ ಸ್ನೇಕ್ ಕಿರಣ್ ಗೆ ಮಾಹಿತಿ ನೀಡಿದ್ದಾರೆ. ಕೂಡಲೇ ಸ್ನೇಕ್ ಕಿರಣ್ ಸ್ಥಳಕ್ಕೆ ಬಂದು ಮನೆಯ ಟಾಯ್ಲೆಟ್ ನಲ್ಲಿದ್ದ ನಾಗರಹಾವನ್ನು ಸುರಕ್ಷಿತವಾಗಿ ಸೆರೆ ಹಿಡಿದಿರುತ್ತಾರೆ.
ಈ ನಾಗರ ಹಾವು ಸುಮಾರು 4 ಅಡಿ ಉದ್ದವಿತ್ತು ಎಂದು ತಿಳಿದುಬಂದಿದೆ.
ಸ್ನೇಕ್ ಕಿರಣ್ ಕಾರ್ಯಕ್ಕೆ ಸಾರ್ವಜನಿಕರು ಮೆಚ್ಚುಗೆ ವ್ಯಕ್ತಪಡಿಸಿ ಅಭಿನಂದಿಸಿದ್ದಾರೆ.
