ಶಿವಮೊಗ್ಗ: ಇಲ್ಲಿನ ಜೆಸಿಐ ಭಾವನದ ಶಿವಮೊಗ್ಗದ ನೂತನ ಅಧ್ಯಕ್ಷೆಯಾಗಿ ಶಾರದಾ ಶೇಷಗಿರಿಗೌಡ ಅವರು ಡಿ.೨೦ರ ಸೋಮವಾರ ಸಂಜೆ ೫.೩೦ಕ್ಕೆ ನಡೆಯುವ ಪದಗ್ರಹಣ ಸಮಾರಂಭದಲ್ಲಿ ಅಧಿಕಾರ ಸ್ವೀಕರಿಸಲಿದ್ದಾರೆ.

ಹಾಲಿ ಅಧ್ಯಕ್ಷೆ ಸುಗುಣ ಸತೀಶ್ ಅವರಿಂದ ಅಧಿಕಾರ ಪಡೆಯಲಿರುವ ಶಾರದಾ ಅವರು ೨೦೨೨ರ ಅವಧಿಯಲ್ಲಿ ಅಧ್ಯಕ್ಷರಾಗಿ ಕಾರ್ಯನಿರ್ವಹಿಸಲಿದ್ದಾರೆ. ಕಾರ್ಯಕ್ರಮವನ್ನು ಜೆಸಿಐ ಇಂಡಿಯಾ ಝೋನ್ ಅಧ್ಯಕ್ಷೆ ದೀಪಿಕಾ ಬಿಡಾರಿ ಅವರು ಉದ್ಘಾಟಿಸಲಿದ್ದು, ಮುಖ್ಯ ಅತಿಥಿಗಳಾಗಿ ಪಾಲಿಕೆ ಮೇಯರ್ ಸುನೀತಾ ಅಣ್ಣಪ್ಪ ಅವರು ಆಗಮಿಸಲಿದ್ದಾರೆ. ಈ ಸಂದರ್ಭದಲ್ಲಿ ಶಿವಮೊಗ್ಗ ಸೂಡಾ ಅಧ್ಯಕ್ಷ ಎಸ್.ಎಸ್.ಜ್ಯೋತಿಪ್ರಕಾಶ್ ಹಾಗೂ ಜೆವಿಪಿ ಝೋನ್‌ನ ವಿಶ್ವನಾಥ ಅವರನ್ನು ಸನ್ಮಾನಿಸಲಿದ್ದಾರೆ.

ಕಾರ್ಯಕ್ರಮಕ್ಕೆ ಕಾರ್ಯದರ್ಶಿ ಪೂರ್ಣಿಮಾ ಸುನೀಲ್ ಯೋಜನಾ ನಿರ್ದೇಶಕಿ ರೇಖಾ ರಂಗನಾಥ್ ಸ್ವಾಗತಿಸಿದ್ದಾರೆ.