ಶಿವಮೊಗ್ಗ: ಕನಕ ದಾಸರನ್ನು ಯಾವುದೇ ಕಾರಣಕ್ಕೂ ಒಂದು ಜಾತಿಗೆ ಸೀಮಿತ ಮಾಡದೇ ಅವರು ನಮ್ಮ ಹಿಂದು ಸಮಾಜದ ಆಸ್ತಿ. ಕೃಷ್ಣ ಪರಮಾತ್ಮನನ್ನು ತನ್ನ ಭಕ್ತಿಯ ಶಕ್ತಿಯಿಂದ ದರ್ಶನ ಪಡೆದ ಮಹಾನ್ ದಾಸ ಶೇಷ್ಠರು. ಮಾನವೀಯತೆಯ ಗುಣವನ್ನು ಇಟ್ಟುಕೊಂಡು ಸಮಾಜದಲ್ಲಿ ಬದುಕಿದ ಸಂತ ಶ್ರೀ ಕನಕದಾಸರು. ಅವರ ಸಾಹಿತ್ಯ ಮತ್ತು ಕಾವ್ಯಗಳು ಇಂದಿಗೂ ಕೂಡ ಮಾದರಿಯಾಗಿದೆ,ಕುಲ ಕುಲ ಕುಲವೆಂದು ಹೊಡೆದಾಡದಿರಿ ಎಂದು ಮಾನವತ್ವದ ಸಂದೇಶ ನೀಡಿದವರು ಇಂತಹ ವ್ಯಕ್ತಿಗಳು ನಮಗೆ ಪ್ರೇರಣಾ ಶಕ್ತಿಯಾಗಿ ಸದಾ ಇರುತ್ತಾರೆ ಎಂದು ಸಂಸದರಾದ ಬಿ. ವೈ ರಾಘವೇಂದ್ರ ಅವರು ತಿಳಿಸಿದರು.

ಜಿಲ್ಲಾ ಓಬಿಸಿ ಮೋರ್ಚಾ ವತಿಯಿಂದ ನಗರದ ಬಿಜೆಪಿ ಕಾರ್ಯಾಲಯದಲ್ಲಿ  ದಾಸ ಶ್ರೇಷ್ಠ ಕನಕದಾಸರ 534ನೇ  ವರ್ಷದ ಜಯಂತ್ಯೋತ್ಸವವನ್ನು ನೆಡೆಸಿ ಕನಕದಾಸರ ಭಾವಚಿತ್ರಕ್ಕೆ ಪುಷ್ಪಾರ್ಚನೆ ಮಾಡಿ ನಮನ ಸಲ್ಲಿಸಿದರು ಓಬಿಸಿ ಮೋರ್ಚಾದ ಜಿಲ್ಲಾಧ್ಯಕ್ಷರಾದ  ಮಾಲತೇಶ್. ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಶಿವರಾಜ್.ಅರುಣ್. ಪಕ್ಷದ ಕಾರ್ಯಕರ್ತರು ಉಪಸ್ಥಿತರಿದ್ದರು.