ಶಿವಮೊಗ್ಗ,ನ.೮: ಸಪ್ತಸ್ವರ ಸಂಗೀತ ಸಭಾವು ಸಪ್ತಸ್ವರದ ಸಂಸ್ಥಾಪಕರಾದ ಕೀರ್ತಿ ಶೇಷ ಅರುಣ್ ಹಂಪಿಹೊಳಿ ಇವರ ದ್ವಿತೀಯ ವರ್ಷದ ಪುಣ್ಯ ಸ್ಮರಣೆಯ ಅಂಗವಾಗಿ ನ.೧೦ರ ಸಂಜೆ ೬ಕ್ಕೆ ಡಾ.ಅಂಬೇಡ್ಕರ್ ಭವನದಲ್ಲಿ ಹಿಂದೂಸ್ತಾನಿ ಶಾಸ್ತ್ರೀಯ ಸಂಗೀತ ಮತ್ತು ದಾಸವಾಣಿ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿದೆ ಎಂದು ಸಂಗೀತ ಸಭಾ ಗೌರವಾಧ್ಯಕ್ಷ ಭಾಸ್ಕರ್ ಜಿ.ಕಾಮತ್ ತಿಳಿಸಿದರು.

ಅವರು ಇಂದು ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿ, ಸಭಾದ ೯೦ನೇ ಕಾರ್ಯಕ್ರಮ ಇದಾಗಿದ್ದು, ಪಂಚತಾರ ಐಸ್‌ಕ್ರೀಂ ಮತ್ತು ರಾಂಫಲ್ ಐಸ್‌ಕ್ರೀಂ ಇವರ ಪ್ರಾಯೋಜಕತ್ವದಲ್ಲಿ ನಡೆಯಲಿದೆ ಎಂದರು.

ಪದ್ಮಶ್ರೀ ಪಂಡಿತ್ ವೆಂಕಟೇಶಕುಮಾರ್ ಇವರ ಗಾಯನವಿದ್ದು ಇವರಿಗೆ ಕೇಶವ ಜೋಷಿ ತಬಲ, ಸತೀಶ್ ಭಟ್ ಹೆಗ್ಗಾರು ಹಾರ‍್ಮೋನಿಯಂ ಸಾಥ್ ನೀಡಲಿದ್ದಾರೆ ಎಂದರು.
ಪತ್ರಿಕಾಗೋಷ್ಠಿಯಲ್ಲಿ ಸಭಾದ ಕಾರ್ಯದರ್ಶಿ ಕೆ.ಜಿ.ಕುಮಾರಶಾಸ್ತ್ರೀ, ವಿನೋದ್ ಪೈ, ದೇವುಕುಮಾರ್, ವಿವೇಕಾನಂದ ನಾಯಕ, ಉಪಸ್ಥಿತರಿರುವರು.