ಶಿವಮೊಗ್ಗ, ಜು.20:
ಶಿವಮೊಗ್ಗ ಕೆಳದಿ ಶಿವಪ್ಪ ನಾಯಕ ಕೃಷಿ ಮತ್ತು ತೋಟಗಾರಿಕೆ ವಿಜ್ಞಾನಗಳ ವಿಶ್ವವಿದ್ಯಾಲಯ ನಾಳೆ ನಡೆಸಲಿರುವ ಎಂಟನೇ ಘಟಿಕೋತ್ಸವ ಸಮಾರಂಭದಲ್ಲಿ ಮಾಜಿ ಮುಖ್ಯಮಂತ್ರಿ ಕೃಷಿ ಆಯವ್ಯಯವನ್ನು ಮಂಡಿಸಿದ, ರೈತನಾಯಕ ಹಂಚಿಕೊಂಡ ಬಿಎಸ್ ಯಡಿಯೂರಪ್ಪ ಅವರಿಗೆ ಗೌರವ ಡಾಕ್ಟರೇಟ್ ಪ್ರಶಸ್ತಿಯನ್ನು ನೀಡಿ ಗೌರವಿಸಲಿದೆ.

ಈಗಷ್ಟೇ ಈ ಆದೇಶ ರಾಜ್ಯಪಾಲರಿಂದ ಹೊರಬಿದ್ದಿದ್ದು, ನಾಳೆ ಸಂಜೆ 4 ಗಂಟೆಗೆ ಇರುವಕ್ಕಿಯ ವಿವಿ ಮುಖ್ಯ ಆವರಣದಲ್ಲಿ ರಾಜ್ಯಪಾಲರಾದ ಥಾವರ್ ಚಂದ್ ಗೆಹ್ಲೋಟ್ ಅವರು ಯಡಿಯೂರಪ್ಪ ಅವರಿಗೆ ಗೌರವಿಸಲಿದ್ದಾರೆ ಎಂದು ಇಂದು ಮದ್ಯಾನ್ಹ ಕುಲಸಚಿವರಾದ ಡಾ. ಕೆಸಿ ಜಗದೀಶ್ ತಿಳಿಸಿದ್ದಾರೆ.

ಶಿವಮೊಗ್ಗ ಜಿಲ್ಲೆಯಲ್ಲಿ ಶಿವಪ್ಪ ನಾಯಕ ಕೃಷಿ ವಿಶ್ವವಿದ್ಯಾಲಯ ಆರಂಭಕ್ಕೆ ಮುನ್ನುಡಿ ಬರೆದ ಬಿಎಸ್ ಯಡಿಯೂರಪ್ಪ ಅವರ ಕೃಷಿ ಶಿಕ್ಷಣ ಸಂಶೋಧನೆ ವಿಸ್ತರಣೆ ಅಗತ್ಯದ ಮನೋಭೂಮಿಕೆ ಹಾಗೂ ರಾಜ್ಯ ಕಂಡ ರೈತನಾಯಕರಾದ ಅವರನ್ನು ಗುರುತಿಸಿ ಗೌರವ ಡಾಕ್ಟರೇಟ್ ನೀಡುತ್ತಿರುವುದು ಸಂತಸದ ವಿಷಯ ಎಂದು ಹೇಳಿದರು.