ಸಾಗರ : ಚಲನಚಿತ್ರ ಪೋಷಕ ನಟಿ ಅನುಗೌಡ ಅವರ ಮೇಲೆ ಗ್ರಾಮದ ಇಬ್ಬರು ಯುವಕರು ಹಲ್ಲೆ ನಡೆಸಿರುವುದಕ್ಕೆ ಸಂಬಂಧಪಟ್ಟಂತೆ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ತಾಲ್ಲೂಕಿನ ಉಳ್ಳೂರು ಗ್ರಾಮ ಪಂಚಾಯ್ತಿ ವ್ಯಾಪ್ತಿಯ ಕಾಸ್ಪಾಡಿ ಗ್ರಾಮದಲ್ಲಿ ಚಲನಚಿತ್ರ ಪೋಷಕ ನಟಿ ಅನುಗೌಡ ೨೦ ಗುಂಟೆ ಜಮೀನು ಖರೀದಿಸಿ ಮನೆ ಕಟ್ಟಿಕೊಂಡಿದ್ದಾರೆ. ಮನೆಯಲ್ಲಿ ಅನುಗೌಡ ತಂದೆತಾಯಿ ವಾಸವಾಗಿದ್ದಾರೆ. ಈಚೆಗೆ ಅನುಗೌಡ ಅವರು ತಮ್ಮ ಜಮೀನಿನ ಹಿಂಭಾಗದಲ್ಲಿ

ಅಡಿಕೆ ಸಸಿ ನೆಡಲು ಹಿಟಾಚಿ ಮೂಲಕ ಜಾಗ ಸ್ವಚ್ಚಗೊಳಿಸುತ್ತಿದ್ದಾಗ ಗ್ರಾಮದ ನೀಲಮ್ಮ ಮತ್ತು ಮೋಹನ್ ಎಂಬುವವರು ಅನುಗೌಡ ಅವರ ಮೇಲೆ ಹಲ್ಲೆ ನಡೆಸಿದ್ದು, ಅವರ ತಂದೆಗೆ ಸಹ ದೂಡಾಡಿದ್ದಾರೆ.

ಗಂಭೀರವಾಗಿ ಗಾಯಗೊಂಡಿರುವ ಅನುಗೌಡ ಅವರು ಸಾಗರ ಉಪವಿಭಾಗೀಯ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಈ ಸಂಬಂಧ ಅನುಗೌಡ ತಮ್ಮ ಮೇಲೆ ಹಲ್ಲೆ ನಡೆಸಿದ ನೀಲಮ್ಮ ಮತ್ತು ಮೋಹನ್ ವಿರುದ್ದ ದೂರು ನೀಡಿದ್ದಾರೆ. ಹಿಂದೆ ಸಹ ಜಾಗದ ವಿಷಯಕ್ಕೆ ಜಗಳ ನಡೆದಿತ್ತು. ಈ ಸಂಬಂಧ ಸಹ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು. ಅನುಗೌಡ ಅವರು ಕೆಂಪೆಗೌಡ ಸೇರಿದಂತೆ ಬೇರೆಬೇರೆ ಚಲನಚಿತ್ರದಲ್ಲಿ ಪೋಷಕ ನಟಿಯಾಗಿ ಕೆಲಸ ಮಾಡಿದ್ದರು.