ಶಿವಮೊಗ್ಗ: ಹೊಂಗಿರಣ ತಂಡದಿಂದ ಜೂ.೨೫ರ ಭಾನುವಾರ ಸಂಜೆ ೬.೩೦ಕ್ಕೆ ಸುವರ್ಣ ಸಂಸ್ಕೃತಿ ಭವನದಲ್ಲಿ ‘ಒಂದು ಕಾನೂನಾತ್ಮಕ ಕೊಲೆ’ ಎಂಬ ರಾಜಕೀಯ ವಿಡಂಬನಾ ನಾಟಕದ ಪ್ರದರ್ಶನ ಏರ್ಪಡಿಸಲಾಗಿದೆ.

ಈ ನಾಟಕ ಬೆಂಗಳೂರಿನಲ್ಲಿ ಪ್ರದರ್ಶನಗೊಂಡು ಪ್ರೇಕ್ಷಕರ ಅಪಾರ ಮೆಚ್ಚುಗೆಗೆ ಗಳಿಸಿದೆ. ಈ ನಾಟಕವನ್ನು ಕಾಮಿಡಿ ಕಿಲಾಡಿಗಳು ಸೀಸನ್-೩ ಖ್ಯಾತಿಯ ಚಂದ್ರಶೇಖರ ಹಿರೇಗೋಣಿಗೆರೆ ನಿರ್ದೇಶಿಸಿದ್ದಾರೆ. ಈ ನಾಟಕವನ್ನು ಶಿವಕುಮಾರ ಮಾವಲಿಯವರು ರಚಿಸಿದ್ದಾರೆ. ಈ ನಾಟಕ ಪ್ರದರ್ಶನಕ್ಕೆ ಪ್ರೋತ್ಸಾಹ ಶುಲ್ಕವಾಗಿ ರೂ. ೫೦ನ್ನು ನಿಗದಿಪಡಿಸಲಾಗಿದೆ.

ನಾಟಕದಲ್ಲಿ ಶಿವಮೊಗ್ಗದ ಅನುಭವಿ ನಟರ ದಂಡೇ ಅಭಿನಯಿಸುತ್ತಿರುವುದು ವಿಶೇಷ,

ಯಾವುದೇ ಸಭಾ ಕಾರ್ಯಕ್ರಮವಿಲ್ಲದೆ ನೇರ ನಾಟಕ ಪ್ರದರ್ಶನ ಏರ್ಪಡಿಸಲಾಗಿದೆ. ಶಿವಮೊಗ್ಗದ ಸಹೃದಯಿ ಪ್ರೇಕ್ಷಕರು ಈ ಪ್ರದರ್ಶನಕ್ಕೆ ಹೆಚ್ಚಿನ ಸಂಖ್ಯೆಯಲ್ಲಿ ಬಂದು ನಾಟಕ ನೋಡಿ ಪ್ರೋತ್ಸಾಹಿಸಬೇಕೆಂದು ಹೊಂಗಿರಣದ ಅಧ್ಯಕ್ಷ ಹೆಚ್.ಎಂ.ಸುಬ್ರಹ್ಮಣ್ಯ ಮನವಿ ಮಾಡಿಕೊಂಡಿದ್ದಾರೆ.