ಪ್ರಥಮ ಬಹುಮಾನ 50,000 ದ್ವಿತೀಯ 25,000 ನಗದು

ಶಿವಮೊಗ್ಗ, ಜ.24:
ಬರುವ ಜನವರಿ 26ರಿಂದ 29 ರವರೆಗೆ ಶಿವಮೊಗ್ಗ ತಾಲ್ಲೂಕು ದೇವಕಾತಿಕೊಪ್ಪದ ಇಂಡಸ್ಟ್ರೀಯಲ್ ಏರಿಯಾ (ಕೆಐಡಿಬಿ) ದಲ್ಲಿ ಮೊಟ್ಟ ಮೊದಲಬಾರಿಗೆ ರಾಜ್ಯಮಟ್ಟದ 4 ದಿನಗಳ ದೀರ್ಘ ಹಾಗೂ ಸಂತೋಷ ಭರಿತ ಟೆನ್ನಿಸ್ ಬಾಲ್ ಕ್ರಿಕೆಟ್ ಪಂದ್ಯಾವಳಿ ಮಲ್ನಾಡ್ ಕಪ್ ಅನ್ನು ಲೀಗ್ ಹಾಗೂ ನಾಕೌಟ್ ಮಾದರಿಯಲ್ಲಿ ಆಯೋಜಿಸಲಾಗಿದೆ.

ಕರ್ನಾಟಕ ಜನಸೇನಾ ಸಂಘ, ಲಿಂಗಾಯತ ವೀರಶೈವ ಸಮಾಜದ ಶಿವಮೊಗ್ಗ ತಾಲ್ಲೂಕು ಹಾಗೂ ಜಿಲ್ಲಾ ಸಮಿತಿಯ ಆಶ್ರಯದಲ್ಲಿ ಹಮ್ಮಿಕೊಂಡಿರುವ ಈ ಪಂದ್ಯಾವಳಿಯ ವಿಜೇತ ಪ್ರಥಮ ಸ್ಥಾನದ ತಂಡಕ್ಕೆ 50,000 ನಗದು ಹಾಗೂ ಆಕರ್ಷಕ ಟ್ರೋಫಿ ದೊರೆಯಲಿದೆ. ದ್ವಿತೀಯ ಬಹುಮಾನವಾಗಿದ್ವಿತೀಯ 25,000 ರೂ. ನಗದು ಹಾಗೂ ಆಕರ್ಷಕ ಟ್ರೋಫಿ ನೀಡಲಿದ್ದು, ಬೆಳಗ್ಗೆ 9ರಿಂದ ಸಂಜೆ 7ರವರೆಗೆ ಪಂದ್ಯಾವಳಿ ನಡೆಯುತ್ತದೆ. ಪ್ರವೇಶ ಶುಲ್ಕ 5000 ರೂ ಆಗಿರುತ್ತದೆ.

ಪ್ರತಿ ಪಂದ್ಯವು 5 ಓವರ್‌ಗಳಿಗೆ ಸೀಮತವಾಗಿದ್ದು, ಚೆಕ್ ಬೌಲಿಂಗ್ ಅವಕಾಶವಿದೆ. ಎಲ್ಲ ತಂಡಗಳಿಗೂ ಸಮವಸ್ತ್ರ ಕಡ್ಡಾಯವಾಗಿದ್ದು, ಆಡುವ ಪ್ರತಿ ತಂಡಗಳಿಗೆ ಉತ್ತಮ ಊಟದ ವ್ಯವಸ್ಥೆ ಇರುತ್ತದೆ. ಯಾವುದೇ ತಂಡ ಅಸಭ್ಯ ವರ್ತನೆ, ಗಲಾಟೆ ಮಾಡಿದ್ದಲ್ಲಿ ಅಂತಹ ತಂಡಗಳನ್ನು ಕಮಿಟಿ ವಜಾಗೊಳಿಸುತ್ತದೆ. ಎಲ್ಲಾ ಪಂದ್ಯಾವಳಿಗಳು ಯೂಟ್ಯೂಬ್ ಹಾಗೂ ಫೇಸ್‌ಬುಕ್ ಲೈವ್‌ನಲ್ಲಿ ಕಡ್ಡಾಯವಾಗಿ ಬರುತ್ತದೆ.
ವಿವರಗಳಿಗೆ ಚಂದ್ರು 73538 93112, ನಿತಿನ್ 95382 85928 ಮೊಬೈಲ್‌ಗೆ ಸಂಪರ್ಕಿಸಬಹುದು.