ವಿಮಾನ ನಿಲ್ದಾಣ ಕಾಮಗಾರಿ ಪರಿಶೀಲನೆಯಲ್ಲಿ ಯಡಿಯೂರಪ್ಪ ಅವರ ಚಿತ್ರ

ಶಿವಮೊಗ್ಗ, ಮೇ.30:
ಶಿವಮೊಗ್ಗ ಸೋಗಾನೆ ಬಳಿ ನಿರ್ಮಾಣವಾಗುತ್ತಿರುವ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣ ನಿರ್ಮಾಣ ಭರದಿಂದ ಸಾಗುತ್ತಿದೆ.

ಬಿಎಸ್.ಯಡಿಯೂರಪ್ಪ ಅವರ ಕನಸಿನ ಈ ಕಾಮಗಾರಿ ಈ ವರುಷದೊಳಗೆ ಮುಗಿದು ಲೋಕಾರ್ಪಣೆಗೊಳ್ಳಲು ಸಕ ಸಿದ್ದತೆ ನಡೆಯುತ್ತಿವೆ.
ನಿನ್ನೆ ಸಂಜೆ ಇಲ್ಲೊಂದು ದುರಂತ ಸಂಭವಿಸಿದೆ. ಇಲ್ಲಿ ಕೆಲಸ ಮಾಡುತ್ತಿದ್ದ ಕಾರ್ಮಿಕನೋರ್ವ ಬುಲ್ಟೋಜಾರ್ ಗೆ ಸಿಲುಕಿ ಸಾವನ್ನಪ್ಪಿರುವ ಘಟನೆ ನಡೆದಿದೆ.
ಮೃತನನ್ನ ಮಲ್ಲಿಕಾರ್ಜುನ ಹರಿಜನ್ ಎಂದು ಗುರುತಿಸಲಾಗಿದೆ.
ಮಣ್ಣನ್ನ ಸಮತ್ತಟ್ಟು ಮಾಡುವಾಗ ಮಣ್ಣನ್ನ ಕಂಪ್ರೆಸ್ ಮಾಡುವ ಬುಲ್ಡೋಜರ್ ಆತನ ಮೇಲೆ ಹರಿದು ಮಲ್ಲಿಕಾರ್ಜುನನ ಸಾವಿಗೆ ಕಾರಣವೆಂದು ಹೇಳಲಾಗುತ್ತಿದೆ.

ಇಲ್ಲಿ ಚಾಲಕ ಬಿಹಾರ್ ಮೂಲದ ಅಮೀರ್ ಅವರ ನಿರ್ಲಕ್ಷದಿಂದ ಈ ಕೃತ್ಯ ನಡೆದಿದೆ ಎನ್ನಲಾಗಿದೆ.

ಮಲ್ಲಿಕಾರ್ಜುನ ಹಾವೇರಿ ಜಿಲ್ಲೆಯಿಂದ ಅವರ ತಂದೆಯ ಜೊತೆ ಶಿವಮೊಗ್ಗದ ವಿಮಾನ ನಿಲ್ದಾಣದಲ್ಲಿನ ಕೆಲಸಕ್ಕೆ ಬಂದಿದ್ದನು. ಅವರ ತಂದೆ ತುಂಗನಗರ ಪೊಲೀಸ್ ಠಾಣೆಗೆ ದೂರು‌ನೀಡಿದ್ದಾರೆ ಎಂದು ಹೇಳಲಾಗುತ್ತಿದೆ.