ಶಿವಮೊಗ್ಗ,ಸೆ.07:,

ಕರ್ನಾಟಕ ಸಂಘದ ಸಾಹಿತ್ಯದ ಚಟುವಟಿಕೆಗಳ ರೂವಾರಿಗಳು, ಸಂಘದ ಮಾಜಿ ಅಧ್ಯಕ್ಷರು, ಸಾಹಿತಿ- ಸಂಶೋಧಕರು, ಶರಣರೂ ಆದ ಜಯದೇವಪ್ಪ ಜೈನಕೇರಿಯವರು ಇಂದು ಮಧ್ಯಾಹ್ನ ಹೃದಯಾಘಾತದಿಂದ ಲಿಂಗೈಕ್ಯರಾಗಿದ್ದಾರೆ.
ಬಸವಕೇಂದ್ರದೊಂದಿಗೆ ಉತ್ತಮ ಬಾಂಧವ್ಯ ಹೊಂದಿದ್ದ ಅವರು ನಮ್ಮ ಅರಿವು ಪ್ರಕಾಶನಕ್ಕಾಗಿ ‘ವಚನ ತೋರಣ’ ಕೃತಿಯನ್ನು ಸಂಪಾದಿಸಿದ್ದರು. ಕೃತಿ ಇನ್ನು ಮುದ್ರಣ ಹಂತದಲ್ಲಿದೆ. ‘ಬಸವಕೇಂದ್ರಕ್ಕೆ ಸಾಹಿತ್ಯಕವಾಗಿ ನನ್ನ ಕೊಡುಗೆ ಇರಬೇಕು’ ಎಂಬ ಅವರ ಅಪೇಕ್ಷೆ ಈಡೇರುವ ಮುನ್ನ ನಿರ್ಗಮಿಸಿದ್ದು ಬೇಸರದ ಸಂಗತಿ. ದೇವರು, ಅವರಿಗೆ ಚಿರಶಾಂತಿ ಕರುಣಿಸಲಿ, ಅವರ ಅಗಲುವಿಕೆಯ ನೋವನ್ನು ಭರಿಸುವ ಶಕ್ತಿಯನ್ನು ಅವರ ಕುಟುಂಬವರ್ಗದವರಿಗೆ ಕರುಣಿಸಲಿ ಎಂದು ಆಶಿಸುತ್ತೇವೆ.
ಅಂತ್ಯಕ್ರಿಯೆಯನ್ನು ನಾಳೆ ಶಿವಮೊಗ್ಗದಲ್ಲಿ ಬೆಳಿಗ್ಗೆ ೧೧ಕ್ಕೆ ನೆರವೇರಿಸಲಾಗುತ್ತದೆ ಎಂದು ಕುಟುಂಬದವರು ತಿಳಿಸಿದ್ದಾರೆ.