ಶಿವಮೊಗ್ಗ: ಟ್ರ್ಯಾಕ್ಟರ್ ಮತ್ತು ಬೈಕ್ ನಡುವಿನ ಉಂಟಾದ ಡಿಕ್ಕಿಯಲ್ಲಿ ಬೈಕ್ ನ ಹಿಂಬದಿ ಕುಳಿತಿದ್ದ ಮಹಿಳೆ ಸಾವನ್ನಪ್ಪಿದ ಘಟನೆ ಭಾನುವಾರ ಗೆಜ್ಜೇನಹಳ್ಳಿ ಬಳಿ ಸಂಭವಿಸಿದೆ.
ಟ್ರ್ಯಾಕ್ಟರ್ ಚಾಲಕನ ಅಜಾಗರೂಕತೆಯಿಂದಾಗಿ ಈ ಘಟನೆ ಸಂಭವಿಸಿದ್ದು ಬೈಕ್ ಹಿಂಬದಿ ಸವಾರಿ ಮಾಡುತ್ತಿದ್ದ ಶಾಹೀನಾ ಬಾನು (೫೮) ಸಾವನ್ನಪ್ಪಿದ್ದಾರೆ.
ಸೈಯದ್ ಸಮಿಹುಲ್ಲಾ ಎಂಬುವವರು ತಮ್ಮ ತಾಯಿ ಶಾಹಿನಾ ಬಾನು (೫೮) ಇವರನ್ನು ತಮ್ಮ ಚಿಕ್ಕಮ್ಮನವರ ಮನೆ ರಾಮನಗರದಿಂದ ತಮ್ಮ ಬೈಕ್ ನಂ ಕೆಎ ೧೪ ಇ ಎಸ್ ೩೧೭೭ ಬಜಾಜ್ ಸಿ.ಟಿ ೧೦೦ ನಲ್ಲಿ ಹಿಂಬದಿಯಲ್ಲಿ ಕೂರಿಸಿಕೊಂಡು ಕರೆದುಕೊಂಡು ಬರುತ್ತಿರುವಾಗ ಗೆಜ್ಜೇನಹಳ್ಳಿ ಹತ್ತಿರ ಇಟ್ಟಿಗೆ ತುಂಬಿದ ಟ್ರಾಕ್ಟರ್ ಚಾಲಕನು ಬಲಭಾಗದಲ್ಲಿ ದಾರಿ ಬಿಡುವರೀತಿ ಬಿಟ್ಟು ಬೈಕ್ ಸವಾರನಿಗೆ ಗೊಂದ ಉಂಟು ಮಾಡಿದ್ದಾನೆ.
ಟ್ರಾಕ್ಟರ್ ನ ಹಿಂಬದಿಯ ಟ್ರೈಲರ್ ಬೈಕ್ ಗೆ ತಗುಲಿ ಶಾಹೀನಾ ಬಾನು ಕೆಳಗೆ ಬಿದ್ದಿದ್ದಾರೆ. ಟ್ರಾಕ್ಟರ್ ಟೈರ್ ತಲೆಯ ಮೇಲೆ ಹತ್ತಿದ್ದು ಸ್ತಳದಲ್ಲಿ ಮೃತ ಪಟ್ಟಿರುತ್ತಾರೆ. ಟ್ರಾಕ್ಟರ್ ಚಾಲಕನ ಮೇಲೆ ವಿನೋಬನಗರದಲ್ಲಿ ಪ್ರಕರಣ ದಾಖಲಾಗಿದೆ.