Oplus_131072
ಶಿವಮೊಗ್ಗ,ಡಿ.31 : ಅಕ್ರಮವಾಗಿ ಸಾಗಿಸುತ್ತಿದ್ದ ೩೦.೬ ಲೀಟರ್(೧೭೦ ಬಾಟಲ್) ಮದ್ಯವನ್ನು ಶಿವಮೊಗ್ಗ ಅಬಕಾರಿ ಉಪ ಆಯುಕ್ತರ ತಂಡ ವಶಕ್ಕೆ ಪಡೆದಿದೆ.
ಇಂದು ಬೆಳಿಗ್ಗೆ ಸವಳಂಗ ರಸ್ತೆಯ ಫ್ಲೈಓವರ್ ಬಳಿ ದೊಡ್ಡ ಸೂಟ್‌ಕೇಸ್ ಒಂದರಲ್ಲಿ ಚನ್ನಗಿರಿ ತಾಲ್ಲೂಕಿನ ನಲ್ಲೂರು ಅಸ್ತಾಪಾನ ಹಳ್ಳಿಯ ಹರೀಶ್ ಮತ್ತು ಶಿವು ಎಂಬ ಯುವಕರು ಅಕ್ರಮವಾಗಿ ಸ್ಪ್ಲೆಂಡರ್ ಬೈಕ್‌ಲ್ಲಿ (ಕೆಎ ೧೭, ೦೭೨೮) ಮದ್ಯ ಸಾಗಿಸುತ್ತಿರುವಾಗ ಖಚಿತ ಮಾಹಿತಿ ಮೇರೆಗೆ
ಅಬಕಾರಿ ನಿರೀಕ್ಷಕರಾದ ಹನುಮಂತಪ್ಪನವರ ತಂಡ ಅವರನ್ನು ಬಂಧಿಸಿ ಮದ್ಯದ ಬಾಟಲಿಗಳನ್ನು ವಶಕ್ಕೆ ಪಡೆದಿದೆ.
ಇದರ ಮೌಲ್ಯ ಸುಮಾರು ೧.೩೬ ಲಕ್ಷ ರೂ.ಗಳು ಎಂದು ಅಬಕಾರಿ ಉಪಾಯುಕ್ತರಾದ ಸುಮಿತಾ ಮಾಹಿತಿ ನೀಡಿದ್ದಾರೆ.
