ಶಿವಮೊಗ್ಗ .ಡಿ.27 : ಹೊಸನಗರ; ತಮ್ಮ ಮೈದುನನ ನೂತನ ಗೃಹಪ್ರವೇಶ ಕಾರ್ಯಕ್ರಮಕ್ಕೆ ಹೈದರಾಬಾದಿಗೆ ತಮ್ಮ ಗಂಡ ಹಾಗೂ ಮಗಳೊಂದಿಗೆ ಡಿ.೧೮ರಂದು ತೆರಳಿದ್ದ ತಾಲೂಕಿನ ಗೋರಗೋಡು ವಾಸಿ ಪಿರ‍್ಯಾದಿ ಪ್ರತಿಭಾ ಕೋಂ ಶೇಷಪವನ್ ಸತ್ಯವೋಲು ಎಂಬುವವರ
ವಾಸದ ಮನೆಯ ಹಂಚುತೆಗೆದು ಮನೆಯ ಹಿಂಬಾಗಿನ ಮೂಲಕ ಒಳ ಪ್ರವೇಶಿರುವ ಕಳ್ಳರು ಮನೆಯಲ್ಲಿದ್ದ ಸುಮಾರು ರೂ ೯.೦೨ ಮೌಲ್ಯದ ವಿವಿಧ ಬಗೆಯ ಚಿನ್ನಾಭರಣ ದೋಚಿ ಪರಾರಿ ಆಗಿರುವ ಘಟನೆ ನಡೆದಿದೆ ಎಂದು ಪಿರ‍್ಯಾದಿ ಪ್ರತಿಭಾ ಇಲ್ಲಿನ ಪೊಲೀಸ್ ಠಾಣೆಗೆ ದೂರಿ
ಸಲ್ಲಿಸಿದ್ದಾರೆ. ಡಿ.೨೫ರ ಸಂಜೆ ಹೈದರಬಾದಿನಿಂದ ವಾಪಸ್ಸಾದಾಗ ಮನೆಯ ಒಳ ಹೋಗಿ ನೋಡಲು ನಡುಮನೆಯ ಬಾಗಿಲು ಮುರಿದಿದ್ದು, ಬಸ್ತುಗಳೆಲ್ಲಾ ಚಲ್ಲಾಪಿಲ್ಲಿಯಾಗಿ ಹರಡಿದ್ದು, ಮನೆಯ ಹಿಂಬಾಗಿಲು ಸಂಪೂರ್ಣವಾಗಿ ತೆರದಿದ್ದು, ಬಾತ್ ರೂಂ ಮನೆಯ ಹಂಚು ತೆಗೆದಿದ್ದು, ಮನೆಯಲ್ಲಿನ ಗಾದ್ರೆಜ್ ಮುರಿದಿರುವಾಗಿ ದೂರಿನಲ್ಲಿ ತಿಳಿಸಿದ್ದಾರೆ. ತಲಾ ೧೨ ಗ್ರಾಮಿನ ೪ ಬಳೆ, ತಲಾ ೧೦ ಗ್ರಾಂನ ೨ ಕಡಗ, ೧೨ ಗ್ರಾಂನ
ಬಿಳೆ ಹರಳಿನ ಬಳೆ, ೧೨ ಗ್ರಾಂನ ಒಂದು ಮಣಿಸರ, ೫ ಗ್ರಾಂನ ಕರಿಮಣಿ ಸರ, ೪Uಂನ ಬಂಗಾರದ ಸರ,೫ ಗ್ರಾಂ ಜುಮುಕಿ, ೬ ಗ್ರಾಂನ ಕೆಂಪು ಹರಳಿನ ಜುಮುಕಿ, ೩ ಗ್ರಾಂ ಬಿಳಿ ಹರಳಿನ ಓಲೆ, ೨ ಗ್ರಾಂನ ಮಕ್ಕಳ ಜುಮುಕಿ, ೩ ಗ್ರಾಂಮ ೧೮ ಕ್ಯಾರೇಟಿನ ಮಕ್ಕಳ ಚೈನ್, ೩
ಗ್ರಾಮಿನ ೦.೧೫ ಕ್ಯಾರೆಟ್‌ನ ವಜ್ರದ ಒಲೆ, ೨ ಗ್ರಾಂ ತೂಕದ ಒಟ್ಟು ೪ ಮೂಗುತಿಗಳು, ಒಂದು ಜೊತೆ ೦.೧೫ ಕ್ಯಾರೆಟಿನ ವಜ್ರದ ಹರಳಿನ ಓಲೆ, ೦.೧೫ ಕ್ಯಾರೇಟ್‌ನ ವಜ್ರ ಹರಳಿನ ಓಲೆ, ೩೦ ಗ್ರಾಂನ ಚಿನ್ನದ ಕೋಟಿಂಗ್‌ನ ಬೆಳ್ಳಿ ಸರ, ಒಂದು ಮುತ್ತಿನ ಸರ ಆಗು ಓಲೆ ಸೆಟನ್ನು ಯಾರೋ ಅಪರಿಚಿತರು ಕಳ್ಳತನ ಮಾಡಿರುವುದಾಗಿ ದೂರು ದಾಖಲಾಗಿದೆ. ಸೆಕ್ಷನ್ ೩೩೧(೩), ೩೩೧(೪) ಹಾಗೂ ಬಿಎನ್‌ಎಸ್ ೩೦೫ ಅಡಿಯಲ್ಲಿ ಹೊಸನಗರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಕೈಗೊಳಿದ್ದಾರೆ.
