n.29 ಶಿವಮೊಗ್ಗಃ
ಶಿವಮೊಗ್ಗದ ಚಲನಚಿತ್ರ ಕಲಾವಿದೆ ಮತ್ತು ನಿರ್ಮಾಪಕರಾದ ಶ್ವೇತಾ ಆರ್. ಪ್ರಸಾದ್ ಹಾಗೂ ಆರ್‌ಜೆ ಪ್ರದೀಪ್‌ರವರು, ಸಕ್ಕತ್ ಸ್ಟುಡಿಯೋ ಮೂಲಕ ನಿರ್ಮಿಸಿರುವ ಮರ್ಯಾದೆ ಪ್ರಶ್ನೆ ಸಿನಿಮಾ ನಗರದ ಭಾರತ್ ಸಿನಿಮಾಸ್‌ನಲ್ಲಿ ಯಶಸ್ವಿ ಪ್ರದರ್ಶನ ಕಾಣುತ್ತಿದೆ.
ಮರ್ಯಾದೆ ಪ್ರಶ್ನೆ ಚಿತ್ರತಂಡ ಇದೇ ಶನಿವಾರ ೩೦.೧೧.೨೦೨೪ ರಂದು ಸಂಜೆ ೭.೩೦ಕ್ಕೆ ಆಗಮಿಸಲಿದ್ದು, ಸಹೃದಯ ಪ್ರೇಕ್ಷಕರೊಂದಿಗೆ ಸಿನಿಮಾ ವೀಕ್ಷಿಸಲಿದ್ದಾರೆ. ಈ ಸಂದರ್ಭದಲ್ಲಿ ಶಿವಮೊಗ್ಗ ಬೆಳ್ಳಿಮಂಡಲ,
ಸಿನಿಮೊಗೆ-ಶಿವಮೊಗ್ಗ ಚಿತ್ರ ಸಮಾಜದ ಕಾರ್ಯಾಧ್ಯಕ್ಷರಾದ, ವಿಧಾನ ಪರಿಷತ್ ಸದಸ್ಯ ಡಿ. ಎಸ್. ಅರುಣ್, ಸಂಚಾಲಕ ವೈದ್ಯ ಉಪಸ್ಥಿತರಿರಲಿದ್ದಾರೆ.
ಈ ಚಿತ್ರದಲ್ಲಿ ಪ್ರಮುಖ ಪಾತ್ರ ವಹಿಸಿದ ಕಲಾವಿದರಾದ ರಾಕೇಶ್ ಅಡಿಗ , ಪೂರ್ಣ ಮೈಸೂರು, ಪ್ರಮೋದ್ ಮುಂದ್ಕುರ್ , ಶೈನ್ ಶೆಟ್ಟಿ , ಆರ್‌ಜೆ ಪ್ರದೀಪ್, ಶ್ವೇತಾ ಆರ್. ಪ್ರಸಾದ್ ಹಾಗೂ ಈ ಚಿತ್ರದ ನಿರ್ದೇಶಕರಾದ ನಾಗರಾಜ್ ಸೋಮಯಾಜಿ ನಗರಕ್ಕೆ ಆಗಮಿಸಲಿದ್ದು, ಚಲನಚಿತ್ರ
ಅಭಿಮಾನಿಗಳು ಹೆಚ್ಚಿನ ಸಂಖ್ಯೆಯಲ್ಲಿ ಪಾಲ್ಗೊಂಡು ತಂಡದೊಂದಿಗೆ ಸಿನಿಮಾವನ್ನು ವಿಕ್ಷಿಸಿ ಪ್ರೋತ್ಸಾಹಿಸಬೇಕಾಗಿ ಸಂಘಟಕ, ಶಿವಮೊಗ್ಗ ಸಿನಿಮಾಸ್ ಅಡ್ಡದ ರಘು ಗುಂಡ್ಲು ಕೋರಿದ್ದಾರೆ.
ವಿವರಗಳಿಗೆ ೯೦೬೦೯೭೭೬೯೪ರಲ್ಲಿ ಸಂಪರ್ಕಿಸಬಹುದು.