ಶಿವಮೊಗ್ಗ,ಆ.೨೩:ಶಿವಮೊಗ್ಗದ ಬೈಪಾಸ್ ರಸ್ತೆಯಲ್ಲಿರುವ ಕಾರು ಶೋರೂಮ್ ನಲ್ಲಿ ೫,೪೯,೯೪೨ ರೂ. ಹಣವನ್ನ ಕದ್ದಿರುವ ಬಗ್ಗೆ ನಿನ್ನೆ ತುಂಗ ನಗರ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ.

ಡೀಲರ್ ಶಿಪ್ ಪಡೆದವರೇ ದೂರು ದಾಖಲಿಸಿದ್ದಾರೆ. ಪ್ರತಿಷ್ಠಿತ ಶೋ ರೂಮ್ ನಲ್ಲಿ ದೈನಂದಿನ ವ್ಯವಹಾರದ ಹಣವನ್ನ ಇಡಲು ಕ್ಯಾಬಿನ್ ಮಾಡಲಾಗಿದ್ದು ಕ್ಯಾಬಿನ್‌ನಲ್ಲಿ ತಿಚೋರಿಯನ್ನ ನಿರ್ಮಿಸಿ ಇಡಲಾಗಿತ್ತು.

ಕ್ಯಾಶ್ ಕೌಂಟರ್‌ನ ಗುಮಾಸ್ತರು ಪ್ರತಿನಿತ್ಯದಂತೆ ಹಣವನ್ನ ಈ ತಿಜೋರಿಯಲ್ಲಿ ಇಟ್ಟು ಹೋಗಿದ್ದರು.

ಆ.೨೦ ರಂದು ೫,೪೯,೯೪೨ ರೂ. ಹಣವನ್ನ ಇಟ್ಟು ಕೀಯನ್ನ ಕ್ಯಾಬಿನ್‌ನನ್ನ ಲಾಕ್ ಮಾಡಿ ಹೋಗಿದ್ದರು.

ಮರುದಿನ ಬಂದ ಗುಮಾಸ್ತರಿಗೆ ತಿಚೋರಿಯಲ್ಲಿ ಇಟ್ಟಾ ಹಣ ನಾಪತ್ತೆಯಾಗಿರುವ ಬಗ್ಗೆ ತಿಳಿದು ಬಂದಿದೆ. ನಂತರ ಹುಡುಕಿದರೂ ಸಿಗದೆ ಮಾಲೀಕರಿಗೆ ವಿಷಯ ತಿಳಿಸಿದ್ದಾರೆ

.
ಮಾಲೀಕರು ಸಿಬ್ಬಂದಿಗಳನ್ನ ವಿಚಾರಿಸಿದಾಗ ಯಾರೂ ತೆಗೆದುಕೊಂಡಿಲ್ಲ ಎಂದು ಹೇಳಿದ್ದರಿಂದ ನಿನ್ನೆ ತುಂಗ ನಗರ ಪೊಲೀಸ್ ಠಾಣೆಯಲ್ಲಿ ೫,೪೯,೯೪೨ ರೂ. ಹಣ ಕಳ್ಳತನವಾಗಿರುವ ಬಗ್ಗೆ ದೂರು ದಾಖಲಿಸಲಾಗಿದೆ.
ಪೊಲೀಸರು ಈ ಬಗ್ಗೆ ತನಿಖೆ ನಡೆಸುತ್ತಿದ್ದಾರೆ.