ಶಿವಮೊಗ್ಗ, ಆ.13:
ಶಿವಮೊಗ್ಗ ನಗರದ ಅತಿ ಮುಖ್ಯಸ್ಥ ಸ್ಥಳವಾದ ನೆಹರು ರಸ್ತೆ ಎಲ್ಲಿ ಕಳೆದ ಮೂರು ದಿನ ರಾತ್ರಿ ಕೈಕೊಟ್ಟ ಬೀದಿ ದೀಪಗಳಿಂದ ವಿಚಿತ್ರವಾಗಿ ಪುಂಡರ ಹಾವಳಿಗೆ ಕಾರಣವಾದ ಘಟನೆ ವರದಿಯಾಗಿದೆ.

ಕಳೆದ ಭಾನುವಾರದಿಂದ ಮೂರು ದಿನಗಳ ಕಾಲ ನಿರಂತರವಾಗಿ ಬೀದಿ ದೀಪ ಇಲ್ಲದೆ ಜನತೆ ಹಾಗೂ ವಿಶೇಷವಾಗಿ ಮಹಿಳೆಯರು ಹೆಣ್ಣು ಮಕ್ಕಳು ಪರದಾಡಿದ, ಪುಡಾಡಿಗಳ ಹಾವಳಿಯಿಂದ ತಪ್ಪಿಸಿಕೊಂಡ ಘಟನೆಗಳು ವರದಿಯಾಗಿವೆ.

ಕರೆಂಟ್ ಇದ್ದಾಗಲೇ ಕಿತಾಪತಿ ಮಾಡುವ ಪುಂಡ ಪೋಕರಿಗಳು ಬೆಳಕಿಲ್ಲದ ಲಾಭ ಪಡೆದು ಅಡ್ಡಾಡುತ್ತಾ ರಸ್ತೆಯಲ್ಲಿ ಓಡಾಡುವ ಮಹಿಳೆಯರ ಎದುರು ಅಸಭ್ಯವಾಗಿ ಮಾತನಾಡುತ್ತಾ, ವರ್ತಿಸುತ್ತಿದ್ದರು.

ಸಕಾಲದಲ್ಲಿ ಪೊಲೀಸರು ಆಗಮಿಸಿದ್ದರಿಂದ ಒಂದಿಷ್ಟು ಸಮಸ್ಯೆಗಳು ಇತ್ಯರ್ಥವಾಗಿವೆ. ಶಿವಮೊಗ್ಗ ಮಹಾನಗರ ಪಾಲಿಕೆ ವ್ಯವಸ್ಥೆಯಲ್ಲಿ ಇತ್ತೀಚೆಗೆ ಸೂಕ್ತ ಕಾನೂನು ಕ್ರಮ ಕೈಗೊಂಡಿದ್ದರು ಸಹ ನಗರದ ಮುಖ್ಯಸ್ಥಳದಲ್ಲಿ ನಿರಂತರವಾಗಿ ಮೂರು ದಿನಗಳ ಕಾಲ ಬೀಧಿ ದೀಪ ಇಲ್ಲದಿದ್ದರೆ ಪರಿಸ್ಥಿತಿ ಏನಾಗುತ್ತದೆ ಎಂಬುದನ್ನು ಯೋಚಿಸಬೇಕಲ್ಲವೇ?

ರಾತ್ರಿ ಹತ್ತರ ತನಕ ನಿರಂತರವಾಗಿ ನೂರಾರು ಜನ ಓಡಾಡುವ, ನೂರಾರು ವಾಹನಗಳು ಇರುವಂತಹ ಸ್ಥಳದಲ್ಲಿ ಬೀದಿ ದೀಪದ ಬೆಳಕು ಇಲ್ಲದಿರುವುರಿಂದ ಸಾಕಷ್ಟು ಸಮಸ್ಯೆಯಾಗಿದೆ. ಕೂಡಲೇ ಇತ್ತ ಗಮನಿಸಲು ಸಾರ್ವಜನಿಕರು ಹಾಗೂ ವರ್ತಕರು ಒತ್ತಾಯಿಸಿದ್ದಾರೆ.