ಶಿವಮೊಗ್ಗ, ಫೆ.೦೨:
ಇಲ್ಲಿನ ತ್ಯಾವರೆಕೊಪ್ಪ ಹುಲಿ ಮತ್ತು ಸಿಂಹಧಾಮದಲ್ಲಿನ ಸಿಂಹ ’ಸರ್ವೇಶ್’ ರಾತ್ರಿ ಅನಾರೋಗ್ಯದಿಂದ ಮೃತಪಟ್ಟಿದೆ.
೧೩ ವರ್ಷ ವಯಸ್ಸಿನ ಈ ಸಿಂಹವನ್ನು ನಾಲ್ಕು ವರ್ಷಗಳ ಹಿಂದೆ ಬನ್ನೇರುಘಟ್ಟ ಜೈವಿಕ ಉದ್ಯಾನದಿಂದ ಶಿವಮೊಗ್ಗಕ್ಕೆ ತರಲಾಗಿತ್ತು. ಸಿಂಹಕ್ಕೆ ’ಹಿಮೋ ಫ್ರೋಟೋ ಜೋನ್’ ಕು ಬಾಧಿಸಿದ್ದು, ತಡ ರಾತ್ರಿ ವಾಂತಿ ಮಾಡಿಕೊಂಡಿತ್ತು.
ತಕ್ಷಣವೇ ಇಲ್ಲಿನ ಪಶುವೈದ್ಯಕೀಯ ಕಾಲೇಜಿನ ಆಸ್ಪತ್ರೆಗೆ ಕರೆದೊಯ್ದು ಚಿಕಿತ್ಸೆ ನೀಡಲಾಗಿತ್ತು. ರಾತ್ರಿ ಸಿಂಹ ಮೃತಪಟ್ಟಿದೆ ಎಂದು ತ್ಯಾವರೆಕೊಪ್ಪ ಹುಲಿ ಮತ್ತು ಸಿಂಹಧಾಮದ ಅಧಿಕಾರಿಗಳು ತಿಳಿಸಿದ್ದಾರೆ.