ನಾಗಮಂಗಲ ತಾಲೂಕಿನ ಶ್ರೀ ಕ್ಷೇತ್ರ ಆದಿಚುಂಚ ನಗಿರಿಯಲ್ಲಿ ಜ.೦೪ರಂದು ಕಾಲಬೈರವಾಷ್ಠಮಿ ಪ್ರಯುಕ್ತ ಭಜನಾ ಮೇಳ, ಭೈರವಮಾಲೆ, ಗಿರಿಪ್ರದಕ್ಷಿಣೆ ಸೇರಿದಂತೆ ವಿವಿಧ ಕಾರ್ಯಕ್ರಮಗಳನ್ನು ಆಯೋಜಿಸಲಾ ಗಿದ್ದು, ಜೊತೆಗೆ ಶ್ರೀ ಕಾಲಬೈರವೇಶ್ವರ ಸ್ವಾಮಿಗೆ ವಿಶೇಷ ಪೂಜೆ, ಹೊಮ, ಹವನಾದಿಗಳನ್ನು ಹಮ್ಮಿಕೊಳ್ಳಲಾಗಿದೆ.

ಕಾರ್ಯಕ್ರಮದಲ್ಲಿ ಪದ್ಮಭೂಷಣ ಪುರಸ್ಕೃತ ಪರಮಪೂಜ್ಯ ಜಗದ್ಗುರು ಶ್ರೀ ಶ್ರೀ ಶ್ರೀ ಡಾ. ಬಾಲ ಗಂಗಾಧರನಾಥ ಮಹಾಸ್ವಾ ಮೀಜಿಯವರ ದಿವ್ಯಾನು ಗ್ರಹದೊಂದಿಗೆ ಶ್ರೀ ಆದಿಚುಂಚನಗಿರಿ ಮಹಾಸಂಸ್ಥಾನ ಮಠದ ೭೨ನೇ ಪೀಠಾಧ್ಯಕ್ಷ ಪರಮಪೂಜ್ಯ ಜಗದ್ಗುರು ಶ್ರೀ ಡಾ. ನಿರ್ಮಲಾನಂದನಾಥ ಮಹಾಸ್ವಾಮೀಜಿ ದಿವ್ಯ ಸಾನ್ನಿಧ್ಯದಲ್ಲಿ ಕಾರ್ಯಕ್ರಮವನ್ನು ಆಯೋಜಿಸಲಾಗಿದೆ. ಶ್ರೀ ಆದಿಚುಂಚನಗಿರಿ ಮಹಾಸಂಸ್ಥಾನ ಮಠದ ಪ್ರಧಾನ ಕಾರ್ಯದರ್ಶಿ ಶ್ರೀ ಪ್ರಸನ್ನನಾಥ ಸ್ವಾಮೀಜಿ ಇವರ ದಿವ್ಯ ಉಪಸ್ಥಿತರಿರುವರು.

ಭಜನಾ ಮೇಳದಲ್ಲಿ ಭಾಗವಹಿಸುವ ವರು ಬೆಳಗ್ಗೆ ೮ ಗಂಟೆಯೊಳಗೆ ನೊಂದಣಿ ಮಾಡಿಕೊಳ್ಳಬೇಕು. ಒಂದು ತಂಡದಲ್ಲಿ ಕನಿಷ್ಠ ೮ರಿಂದ ಗರಿಷ್ಟ ೧೨ ಜನ ಮಾತ್ರ ಭಾಗವಹಿಸಲು ಅವಕಾಶವಿರುತ್ತದೆ. ಭಜನಾ ಪರಿಕರಗಳೊಂದಿಗೆ (ವಾದ್ಯ) ತಂಡ ಇರಬೇಕು. ವಿಜೇತರಾದ ತಂಡಕ್ಕೆ

ಪ್ರಥಮ ಬಹುಮಾನ ೧೦ ಸಾವಿರ, ದ್ವಿತೀಯ ಬಹುಮಾನ ೭ ಸಾವಿರ, ತೃತೀಯ ಬಹುಮಾನ ೫ ಸಾವಿರ ರೂ. ಹಾಗೂ ಸಮಾಧಾನಕರ ಬಹುಮಾನ ನೀಡಲಾಗುವುದು. ಹೆಚ್ಚಿನ ಮಾಹಿತಿಗಾಗಿ ೯೯೪೫೯೧೦೯೮೫, ೯೪೪೮೧೨೪೧೪೧, ೭೭೬೦೨೪೬೬೦೭, ೮೫೫೩೫೧೫೭೯೮ಗೆ ಸಂಪರ್ಕಿಸಬಹುದು ಎಂದು ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.