ಶಿವಮೊಗ್ಗ: ನಗರದ ಏರ್‌ಪೋರ್ಟ್ ರಸ್ತೆಯಲ್ಲಿ ಪೋದಾರ್ ಇಂಟರ್‌ನ್ಯಾಷನಲ್ ಶಾಲೆಯ ಹತ್ತಿರ ಸಮನ್ವಯ ಟ್ರಸ್ಟ್ ಶಿವಮೊಗ್ಗ ಇದರ ವತಿಯಿಂದ ಕೆ.ಎ. ದಯಾನಂದ್, ಐ.ಎ.ಎಸ್. ಇವರ ಹೆಸರಿನ
ರಾಜ್ಯದ ಮೊದಲ ಸ್ಪರ್ಧಾತ್ಮಕ ಪರೀಕ್ಷೆಗಳ ಉಚಿತ ವಾಚನಾಲಯ ಕಟ್ಟಡದ ಲೋಕಾರ್ಪಣೆಯನ್ನು ಇಂದು ಪೂಜ್ಯ ಅರ್ಜುನ ಅವಧೂತ ಮಹಾರಾಜ್‌ರು ದೀಪ ಬೆಳಗಿಸಿ ಉದ್ಘಾಟಿಸಿದರು.
ಈ ಸಂದರ್ಭದಲ್ಲಿ ಗೋಣಿಬೀಡು ಶ್ರೀ ಸಿದ್ಧಲಿಂಗ ಮಹಾಸ್ವಾಮಿಗಳು ಸಾನಿಧ್ಯ ವಹಿಸಿದ್ದರು. ಮೂಲೆಗದ್ದೆ ಮಠದ ಅಭಿನವ ಚೆನ್ನಬಸವ ಸ್ವಾಮಿಜಿ, ಸಂಸದ ಬಿ.ವೈ.ರಾಘವೇಂದ್ರ,
ಶಾಸಕರಾದ ಚನ್ನಬಸಪ್ಪ, ಡಿ.ಎಸ್. ಅರುಣ್, ಚಿತ್ರನಟಿ ಪ್ರೇಮಾ ಜಿಲ್ಲಾಧಿಕಾರಿ ಡಾ. ಆರ್. ಸೆಲ್ವಮಣಿ, ಸಮನ್ವಯ ಟ್ರಸ್ಟ್‌ನ ಕಾಶಿ, ಆರ್.ಎಂ. ಮಂಜುನಾಥ್ ಗೌಡ,
ಜಿಲ್ಲಾ ವಾಣಿಜ್ಯ ಕೈಗಾರಿಕಾ ಸಂಘದ ಅಧ್ಯಕ್ಷರಾದ ಗೋಪಿನಾಥ್, ಸಮನ್ವಯ ಟ್ರಸ್ಟ್ ಅಧ್ಯಕ್ಷೆ ಗಿರಿಜಾ, ಟ್ರಸ್ಟಿ ವಿಕ್ರಮ ಎ.ವಿ. ತರಬೇತುದಾರರಾದ ಆಯಿಷಾಪರ್ಜಾನ್ ಉಪಸ್ಥಿತರಿದ್ದರು.