ಸಾಗರ : ತಾಲ್ಲೂಕಿನ ಹೊಸಗುಂದ ಗ್ರಾಮದ ಒಂಟಿ ಮನೆಯಲ್ಲಿ ವಾಸವಿದ್ದ ೬೩ ವರ್ಷದ ಭದ್ರಮ್ಮ ಎಂಬ ಮಹಿಳೆ ಮನೆಗೆ ನುಗ್ಗಿದ ನಾಲ್ವರು ಅಪರಿಚಿತರು ನಗನಾಣ್ಯ ದೋಚಿರುವ ಘಟನೆ ತಡವಾಗಿ ಬೆಳಕಿಗೆ ಬಂದಿದೆ.

ಭದ್ರಮ್ಮ ಮನೆಯಲ್ಲಿ ಒಬ್ಬರೆ ಇರುವಾಗ ಅಡಿಕೆ ಸಸಿ ಕೊಳ್ಳುವ ನೆಪದಲ್ಲಿ ಬೈಕ್‌ನಲ್ಲಿ ಬಂದ ನಾಲ್ವರು ಅಪರಿಚಿತರು ಏಕಾಏಕಿ ಮಹಿಳೆಯನ್ನು ಮನೆಯೊಳಗೆ ತಳ್ಳಿದ್ದಾರೆ. ಮಹಿಳೆ ಗಾಬರಿಯಲ್ಲಿದ್ದಾಗ ಅವರ ಕೈನಲ್ಲಿದ್ದ ಬೀರುವಿನ ಕೀ ಕಿತ್ತುಕೊಂಡಿದ್ದಾರೆ.

ನಂತರ ಅಪರಿಚಿತರು ಮಹಿಳೆಯ ಕುತ್ತಿಗೆಯಲ್ಲಿದ್ದ ಚೈನ್, ಕಿವಿಯೋಲೆ ಸೇರಿ ೪೦ ಗ್ರಾಂ ಬಂಗಾರ ಹಾಗೂ ಮನೆಯೊಳಗೆ ಇದ್ದ ೬೦ಸಾವಿರ ನಗದು ದೋಚಿ

ಪರಾರಿಯಾಗಿದ್ದಾರೆ. ಈ ಸಂಬಂಧ ಭದ್ರಮ್ಮ ನೀಡಿದ ದೂರಿನ ಹಿನ್ನೆಲೆಯಲ್ಲಿ ಬುಧವಾರ ಗ್ರಾಮಾಂತರ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.