ರೋಟರಿ ಕ್ಲಬ್ ರಿವರ್ ಸೈಡ್ ಸಾರಥಿಯಾಗಿ ಎಸ್.ಮಂಜುನಾಥ್
ಇನ್ನರ್‌ವ್ಹೀಲ್ ಕ್ಲಬ್ ಆಪ್ ಶಿವಮೊಗ್ಗ ಅಧ್ಯಕ್ಷೆಯಾಗಿ ಮಂಜುಳಾ ಮಂಜುನಾಥ್
ಶಿವಮೊಗ್ಗ, ಜು.೧೦: ಇ
ಲ್ಲಿನ ರೋಟರಿ ಕ್ಲಬ್ ರಿವರ್ ಸೈಡ್ ಅಧ್ಯಕ್ಷರಾಗಿ ಎಸ್.ಮಂಜುನಾಥ್ ಹಾಗೂ ಇನ್ನರ್‌ವ್ಲ್ಹೀಲ್ ಕ್ಲಬ್ ಆಫ್ ಶಿವಮೊಗ್ಗದ ಅಧ್ಯಕ್ಷರಾಗಿ ಮಂಜುಳಾ ಮಂಜುನಾಥ್ ಅಧಿಕಾರ ಸ್ವೀಕರಿಸಿದರು.
ಆಲ್ಕೋಳ ಸರ್ಕಲ್‌ನ ಅಗಮುಡಿ ಕನ್ವಕ್ಷನ್ ಹಾಲ್‌ನಲ್ಲಿ ನಡೆದ ಪದಗ್ರಹಣ ಸಮಾರಂಭದಲ್ಲಿ ರೋಟರಿ ಕ್ಲಬ್‌ನ ಪಿಡಿಜಿ ಅಭಿನಂದನ್ ಶೆಟ್ಟಿ ಅವರು ಮಂಜುನಾಥ್ ಅವರಿಗೆ ಅಧಿಕಾರ ನೀಡಿದರೆ ಮಂಜುಳಾ ಮಂಜುನಾಥ್ ಅವರಿಗೆ ಇನ್ನರ್‌ವಿಲ್‌ನ ಪಿಡಿಜಿ ವಾರಿಜಾ ಜಗದೀಶ್ ಅವರು ಅಧಿಕಾರ ನೀಡಿದರು.
ಕಾರ್ಯಕ್ರಮದಲ್ಲಿ ರೋಟರಿ ಸಂಸ್ಥೆಯ ಎಜಿ ರಾಜೇಂದ್ರ ಪ್ರಸಾದ್, ಜೆಎಲ್ ಹೆಚ್.ಎಸ್.ಮೋಹನ್ ಹಾಗೂ ಇತರ ಗಣ್ಯರು ಉಪಸ್ಥಿತರಿದ್ದು ಶುಭಹರಿಸಿದರು. ರೋಟರಿ ಕ್ಲಬ್‌ನ ಉಪಾಧ್ಯಕ್ಷರಾಗಿ ಮಂಜೇಗೌಡ, ಕಾರ್ಯದರ್ಶಿಯಾಗಿ ಪಿ.ಎಂ. ಮಂಜುನಾಥ್, ಖಜಾಂಚಿಯಾಗಿ ವಿನಯ್ ಸಿಬಿ, ಸಹಕಾರ್ಯದರ್ಶಿಯಾಗಿ ಪಿಡಿ ಮಂಜುನಾಥ್ ಸೇರಿದಂತೆ ೨೫ ನಿರ್ದೇಶಕರುಗಳನ್ನು ಹಾಗೂ ವಿಭಾಗದ ಉಸ್ತುವಾರಿಗಳಿಗೆ ಅಧಿಕಾರ ಹಸ್ತಾಂತರಿಸಲಾಯಿತು.
ಅತಿಥಿಯಾಗಿ ಡಿಸ್ಟ್ರಿಕ್ ಸೆಕ್ರೆಟರಿ ಶಬರಿ ಕಡಿದಾಳ್ ಆಗಮಿಸಿದ್ದರು.
ಇನ್ನರ್‌ವ್ಲ್ಹೀಲ್ ಕ್ಲಬ್‌ನ ಉಪಾಧ್ಯಕ್ಷರಾಗಿ ಸುಪ್ರಿಯಾ ಜಗನ್ನಾಥ್, ಕಾರ್ಯದರ್ಶಿಯಾಗಿ ಶೀಲಾ ಸುರೇಶ್, ಸಹಕಾರ್ಯದರ್ಶಿಯಾಗಿ ಉಷಾ ಕುಲಕರ್ಣಿ, ಖಜಾಂಚಿಯಾಗಿ ಆಶಾ ರಾಜೇಶ್, ಐ.ಎಸ್.ಒ ಆಗಿ ಕವಿತಾ ಜೋಯಿಸ್, ಸಂಪಾದಕರಾಗಿ ವಸಂತ ಬಸವರಾಜ್, ವೆಬ್‌ಕೋ-ಅರ್ಡಿನೇಟರ್ ಆಗಿ ಅಕ್ಷತಾ ಟಿ.ಎಲ್. ಅವರು ಅಧಿಕಾರ ವಹಿಸಿಕೊಂಡರು.
ಅಂತರಾಷ್ಟ್ರೀಯ ಮಟ್ಟದ ಇಂತಹದೊಂದು ಸಂಸ್ಥೆಯಲ್ಲಿ ಕರ್ತವ್ಯ ನಿರ್ವಹಿಸಲು ನನಗೆ ಅವಕಾಶ ಸಿಕ್ಕಿರುವುದು ಪುಣ್ಯ ಎಂದುಕೊಳ್ಳುತ್ತೇನೆ. ಹತ್ತಾರು ಸಂಘ ಸಂಸ್ಥೆಗಳಲ್ಲಿ ಕರ್ತವ್ಯ ನಿರ್ವಹಿಸಿರುವ ನನಗೆ ವಿಶೇಷವಾಗಿ ಕಾಣಿಸಿಕೊಂಡಿದೆ. ಈ ನಮ್ಮ ಅವಧಿಯಲ್ಲಿ ಸಂಸ್ಥೆಯನ್ನು ರಾಜ್ಯದಲ್ಲೆ ಮಾದರಿಯಾಗಿಸುವ ಜೊತೆಗೆ ಕಡುಬಡವರಿಗೆ ಹಾಗೂ ವಿಶೇಷವಾಗಿ ಶಿಕ್ಷಣಕ್ಕೆ ಹೆಚ್ಚು ಅದ್ಯತೆ ನೀಡಲಾಗುತ್ತದೆ.
-ಎಸ್.ಮಂಜುನಾಥ್, ಅಧ್ಯಕ್ಷರು.