ಶಿವಮೊಗ್ಗ,ಏ.20:
ವಿಧಾನಸಭಾ ಚುನಾವಣೆಯ ನಾಮಪತ್ರ ಸಲ್ಲಿಕೆಯ ಕೊನೆಯ ಅವಧಿಯಲ್ಲಿ ಶಿಕಾರಿಪುರ ಹಾಗೂ ಶಿವಮೊಗ್ಗದ ಎರಡು ವಿಧಾನಸಭಾ ಕ್ಷೇತ್ರಗಳಲ್ಲಿ ಇಬ್ಬರು ವಿಶೇಷ ಅಭ್ಯರ್ಥಿಗಳು ನಾಮಪತ್ರ ಸಲ್ಲಿಸಿರುವುದಾಗಿ ಬಲ್ಲಮೂಲಗಳು ಈಗ ಇಲ್ಲಿ ತಿಳಿಸಿದೆ.

ನಿಕಟ ಪೂರ್ವ ಮುಖ್ಯಮಂತ್ರಿ ಬಿಎಸ್ ಯಡಿಯೂರಪ್ಪ ಅವರ ಪತ್ರ ಬಿ ವೈ ವಿಜಯೇಂದ್ರ ಅವರು ಸ್ಪರ್ಧಿಸಿರುವ ಶಿಕಾರಿಪುರ ವಿಧಾನಸಭಾ ಕ್ಷೇತ್ರದಲ್ಲಿ ಮತ್ತೊರ್ವ ವಿಜಯೇಂದ್ರ ಅದೂ ಸಾಹಸಿ ಅ.ನಾ. ವಿಜೇಂದ್ರರಾವ್ ಚುನಾವಣೆಗೆ ನಾಮಪತ್ರ ಸಲ್ಲಿಸಿದ್ದಾರೆಂದು ಬಲ್ಲ ಮೂಲಗಳು ತಿಳಿಸಿವೆ.
ಶಿವಮೊಗ್ಗ ಮೂಲದಲ್ಲಿ ವಾಸದಲ್ಲಿರುವ ವಿಜಯೇಂದ್ರರಾವ್ ಅವರು ಶಿಕಾರಿಪುರ ತಾಲೂಕಿನ ಗ್ರಾಮವೊಂದರ ಶಾನುಭೋಗರ ಪುತ್ರ. ಶಿಕಾರಿಪುರ ಬುಡ ಹೊಂದಿರುವ ವಿಜೇಂದ್ರ ಅವರು ಚಾರಣ, ದೊಡ್ಡ ದೊಡ್ಡ ಪ್ರವಾಸ, ಗೋಪಾಲದಿಂದ ನೇಪಾಳ ಬೈಕ್ ರ್ಯಾಲಿ, ಹಿಮಾಲಯ ಪ್ರವಾಸ, ಅಂಡಮಾನ್ ನಿಕೋಬಾರ್ ಪ್ರವಾಸ ಸೇರಿದಂತೆ ವಿಶೇಷವಾಗಿ ಮಲೆನಾಡ ತುತ್ತ ತುದಿಯ ಚಾರಣ ಪ್ರದೇಶಗಳನ್ನು ಅತ್ಯಂತ ಸಮೀಪದಿಂದ ನೋಡಿ ಅರ್ಥ ಮಾಡಿಕೊಂಡು ಅಲ್ಲಿಗೆ ಮಕ್ಕಳು ಸೇರಿದಂತೆ ಹಿರಿಯರನ್ನು, ಸಮಕಾಲೀನನನ್ನು ಕರೆದುಕೊಂಡು ಹೋಗಿ ಪ್ರವಾಸದ ಹಾಗೂ ಪ್ರಕೃತಿಯ ಅನುಭವ ನೀಡಿದಂತಹ ಸಾಹಸಿ.

ಅವರು ತುಂಬಿದ ತುಂಗೆ ನದಿಯಲ್ಲಿ ನಿರಂತರವಾಗಿ ಏಕಾಂಗಿಯಾಗಿ ದುಮುಕಿದ ವಿಜಯೇಂದ್ರ ಅವರು ಬರುಬರುತ್ತಾ ಸ್ನೇಹಿತರನ್ನು, ಅಧಿಕಾರಿಗಳನ್ನು, ವಿಶೇಷವಾಗಿ ಮಾಧ್ಯಮದವರನ್ನು ತುಂಬಿದ ನದಿಯಲ್ಲಿ ತೇಲಿಸಿದ ಹಿರಿಮೆ ಹೊಂದಿದವರು.
ಇದೇ ವಿಜಯೇಂದ್ರರಾವ್ ಅವರು ಪ್ರಸಕ್ತ ವರ್ಷದ ಶಿಕಾರಿಪುರ ವಿಧಾನಸಭಾ ಚುನಾವಣೆಗೆ ಸ್ಪರ್ಧಿಸಲು ಇಂದು ಮಧ್ಯಾಹ್ನ ನಾಲ್ಕರ ಹೊತ್ತಿಗೆ ನಾಮಪತ್ರ ಸಲ್ಲಿಸಿದ್ದಾರೆಂದು ಬಲ್ಲಮೂಲಗಳು ತಿಳಿಸಿವೆ.
ಶಿವಮೊಗ್ಗದಲ್ಲಿ ಗೋಪಿನಾಥ್ ಅಂಕಣಕ್ಕೆ
ಶಿವಮೊಗ್ಗ ವಿಧಾನಸಭಾ ಕ್ಷೇತ್ರದ ಪಕ್ಷೇತರ ಅಭ್ಯರ್ಥಿಯಾಗಿ ಮಥುರಾ ಪ್ಯಾರಡೈಸ್ ನ ಮಾಲೀಕರು ಹಾಗೂ ನನ್ನ ಕನಸಿನ ಶಿವಮೊಗ್ಗ ಸಂಸ್ಥೆಯ ರೂವಾರಿಗಳು, ಶಿವಮೊಗ್ಗ ಜಿಲ್ಲಾ ವಾಣಿಜ್ಯ ಮತ್ತು ಕೈಗಾರಿಕಾ ಸಂಘದ ಅಧ್ಯಕ್ಷರು ಆದ ಎನ್ ಗೋಪಿನಾಥ್ ಅವರು ಪಕ್ಷೇತರರಾಗಿ ಇಂದು ಸಂಜೆ ನಾಮಪತ್ರ ಸಲ್ಲಿಸಿದ್ದಾರೆಂದು ಮೂಲಗಳು ತಿಳಿಸುವೆ.

ಪ್ರಭಾವಿತ ಬಳಗವನ್ನು ಹೊಂದಿರುವ ಸಂಭಾವಿತ ಈ ಬರುವ ವ್ಯಕ್ತಿಗಳ ನಾಮಪತ್ರ ಸಲ್ಲಿಕೆಯಿಂದ ಚುನಾವಣೆಗೆ ಒಂದು ಹೊಸ ಕಳೆ ಬಂದಿದೆ ಎನ್ನಲಾಗಿದೆ.
(ಇದು ಏಪ್ರಿಲ್ ನಿಮಗೆ ನೆನಪಿರಲಿ)