ಶಿವಮೊಗ್ಗ, ಮಾ.20:

ಬರುವ ವಿಧಾನ ಚುನಾವಣೆಗೆ ಪೂರ್ವಬಾವಿಯಾಗಿ ಜಿಲ್ಲೆಯಲ್ಲಿ ಆಕ್ಟಿವ್ ಇರುವ ರೌಡಿಗಳನ್ನ ಕರೆಯಿಸಿ ಜಿಲ್ಲಾ ರಕ್ಷಣಾಧಿಕಾರಿ ಮಿಥುನ್ ಕುಮಾರ್ ಜಿ.ಕೆ. ಖಡಕ್ ವಾರ್ನಿಂಗ್, ಸುಮ್ಮನಿದ್ರೆ ನಿಮಗೆ ಒಳ್ಳೆಯದೆಂದು ಅಂತಿಮ ಎಚ್ಚರಿಕೆ ನೀಡಿದ್ದಾರೆ.
ತೀರ್ಥಹಳ್ಫಿ, ಮಾಳೂರು, ಸೊರಬ, ಶಿಕಾರಿಪುರ, ಕೋಟೆ, ಜಯನಗರ, ತುಂಗನಗರ, ದೊಡ್ಡಪೇಟೆ, ಕುಂಸಿ ಮೊದಲಾದ ಠಾಣೆ ಸೇರಿ ಸುಮಾರು ಇನ್ನೂರು ಜನ ರೌಡಿಗಳನ್ನ ಕರೆಯಿಸಿ ಖಡಕ್ ವಾರ್ನಿಂಗ್ ನೀಡಲಾಯಿತು.

ಚುನಾವಣೆ ಹಿನ್ನಲೆಯಲ್ಲಿ ನಡೆದ ರೌಡಿ ಪೆರೇಡ್ ನಲ್ಲಿ ರೌಡಿ ಚಟುವಟಿಕೆಯಲ್ಲಿ ಆಕ್ಟಿವ್ ಇರುವವರಿಗೆ ದೂರ ಇರುವಂತೆ ಸೂಚನೆ ನೀಡಲಾಗಿದೆ.

ಜಿಲ್ಲಾ ರಕ್ಷಣಾಧಿಕಾರಿ ಮಿಥುನ್ ಕುಮಾರ್, ಹೆಚ್ಚುವರಿ ರಕ್ಷಣಾಧಿಕಾರಿ ಭೂಮಿರೆಡ್ಡಿ, ಡಿವೈಎಸ್ಪಿ ಸುರೇಶ್, ತೀರ್ಥಹಳ್ಳಿ ಡಿವೈಎಸ್ ಪಿ ಗಜಾನನ ಸತ್ತಾರ್ ಮೊದಲಾದವರು ಉಪಸ್ಥಿತರಿದ್ದರು.