ಗಾಡಿಕೊಪ್ಪದಲ್ಲಿ ಕಟ್ಟಡ ನಿರ್ಮಾಣದ ವೇಳೆ ಬಳಸುವ ಟೈಲ್ಸ್ ಕಳ್ಳತನ ಮಾಡಿದ್ದ ನಾಲ್ವರನ್ನು ಇಲ್ಲಿನ ತುಂಗಾ ನಗರ ಠಾಣೆ ಪೊಲೀಸರು ಬಂಧಿಸಿದ್ದಾರೆ.
ಆಯನೂರಿನ ನಿರಂಜನ್ ಅಲಿಯಾಸ್ ನೀತು (೨೬), ಸಂತೆಕಡೂರಿನ ಪಿ.ಸುನಿಲ್, ಗಾಡಿಕೊಪ್ಪದ ಲಿಖೇಶ್ ನಾಯ್ಕ್, ಗಣೇಶ್ ನಾಯ್ಕ್ ಬಂಧಿತರು.
ಲಕ್ಷ್ಮಣ್ ಮತ್ತು ಕೊಟ್ಯಾನ್ ಬ್ಯುಲ್ಡಿಂಗ್ ಸಲ್ಯೂಷನ್‌ಗೆ ಸೇರಿದ ಗೋದಾಮಿನ ಎದುರು ಖಾಲಿ ಜಾಗದಲ್ಲಿ ಇಟ್ಟಿದ್ದ ಟೈಲ್ಸ್‌ಗಳನ್ನು ಸೆ. ೨೫ರಂದು ಕಳ್ಳತನ ಮಾಡಲಾಗಿತ್ತು. ಈ ಬಗ್ಗೆ ತುಂಗಾ ಠಾಣೆಯಲ್ಲಿ ದೂರು ದಾಖಲಾಗಿತ್ತು. ತನಿಖೆ ನಡೆಸಿದ ಪೊಲೀಸರು ೨ ಲಕ್ಷ ಮೌಲ್ಯದ ಟೈಲ್ಸ್ ವಶಪಡಿಸಿಕೊಂಡಿದ್ದಾರೆ.