ಶಿವಮೊಗ್ಗ,
ಪ್ರತಿ ಮನೆಯಲ್ಲೂ ಧ್ವಜವನ್ನು ಹಾರಿಸುವುದರ ಮೂಲಕ ನಮ್ಮಲ್ಲಿ ಸುಪ್ತವಾಗಿರುವ ರಾಷ್ಟ್ರಭಕ್ತಿಯನ್ನು ಜಾಗೃತಗೊಳಿಸೋಣ ಎಂದು ಪಾಲಿಕೆ ಸದಸ್ಯೆ ಸುರೇಖಾ ಮುರುಳೀಧರ್ ವಿದ್ಯಾರ್ಥಿಗಳಿಗೆ

ಕರೆ ನೀಡಿದರು.
ಅವರು ಇಂದು ಸರ್ಕಾರಿ ಪ್ರಥಮ ದರ್ಜೆ ಕಾಲೇಜಿನಲ್ಲಿ ಏರ್ಪಡಿಸಿದ ಹರ್ ಘರ್ ತಿರಂಗಾ ಅಭಿಯಾನ್ ೨೦೨೨ ಕ್ಕೆ ಚಾಲನೆ ನೀಡಿ ಅವರು ಮಾತನಾಡಿದರು.

ಕಾಲೇಜಿನ ಪ್ರಾಂಶುಪಾಲರು ಹಾಗೂ ಅಧ್ಯಾಪಕ, ಆಡಳಿತ ವರ್ಗ ಸಿಡಿಸಿ ನೌಕರರು ಉಪಸ್ಥಿತರಿದ್ದರು. ನಂತರ ಬಾಪೂಜಿನಗರ ಏರಿಯಾದಲ್ಲಿ ಕಾಲೇಜಿನ ವಿದ್ಯಾರ್ಥಿಗಳು, ಪ್ರಾಂಶುಪಾಲರು , ಅಧ್ಯಾಪಕರೊಂದಿಗೆ ಕಾರ್ಪೋರೇಟರ್‌ರವರು ಜಾಥಾವನ್ನು ನಡೆಸಿ ಮನೆಗಳಲ್ಲಿ ಬಾವುಟವನ್ನು ಹಾರಿಸುವುದರ

ಮೂಲಕ ಜನರಲ್ಲಿ ತಿರಂಗಾ ಅಭಿಯಾನವನ್ನು ಮುಂದುವರೆಸುವಂತೆ ಕರೆನೀಡಲಾಯಿತು. ವಿದ್ಯಾರ್ಥಿಗಳು ಬೀದಿ ಬೀದಿಯಲ್ಲಿ ಮೆರವಣಿಗೆ ಮಾಡಿದರು.ಕಾಲೇಜಿನ ಪ್ರಾಂಶುಪಾಲರಾದ ಡಾ. ವಿಷ್ಣುಮೂರ್ತಿರವರು ಹರ್ ಘರ್ ತಿರಂಗಾ ಕಾರ್ಯಕ್ರಮಕ್ಕೆ ಚಾಲನೆ ನೀಡಿದರು.