ಶಿವಮೊಗ್ಗ, ಮೇ.27:
ಕಾರನ್ನ ತಿರುಗಿಸಿಕೊಳ್ಳುವಾಗ ಎರಡೂವರೆ ವರ್ಷದ ಹೆಣ್ಣುಮಗುವೊಂದು ಕಾರಿನ ಚಕ್ರಕ್ಕೆ ಸಿಲುಕಿ ಸಾವನ್ನಪ್ಪಿರುವ ದುರಂತದ ಘಟನೆ ಸಮೀಪದ ಕಡೇಕಲ್ ನಲ್ಲಿ ನಡೆದಿದೆ.
ಕಡೇಕಲ್ ಶಮೀನವಾಜ್ ಎಂಬುವರು ಪತ್ನಿ ಶಮೀನಾ ಖಾನಂ, ಅತ್ತೆ ಶಮೀದಾ ಬೇಗಂ, ಮಕ್ಕಳಾದ ಉಮೈಮಾ(4), ಬೀಬಿ ಲೀಜಾ(2½) ಎಂಬುವರ ಜೊತೆ ಸೂಳೆಬೈಲಿನಲ್ಲಿರುವ ಪತ್ನಿ ಸಹೋದರಿಯ ಮನೆಗೆ ಕರೆದುಕೊಂಡು ಹೋಗಿ‌ ಬಂದಿದ್ದರು.

ಸಂಜೆ, ಪತ್ನಿ ಶಮೀನಾ ಖಾನಂ ನ ಸಹೋದರ ಇನಾಯತ್ ಉಲ್ಲಾ ಖಾನ್ ಕ್ರೇಟಾ ಕಾರಿನಲ್ಲಿ ಈ ನಾಲ್ವರನ್ನ ಸೂಳೆಬೈಲಿನಿಂದ ಕಡೇಕಲ್ ಗೆ ಕರೆದುಕೊಂಡು ಬಂದಿದ್ದಾರೆ. ಮನೆಯ ಬಳಿ ಈ‌ ನಾಲ್ವರು ಕೆಳಗೆ ಇಳಿದಿದ್ದಾರೆ.
ಇವರನ್ನ ಬಿಟ್ಟು ಕಾರು ತಿರುಗಿಸಿಕೊಂಡು ಇನಾಯತ್ ಉಲ್ಲಾ ಖಾನ್ ಮನೆಗೆ ತೆರಳುವಾಗ‌ ಕಾರು ತಿರುಗಿಸಿಕೊಳ್ಳುವಾಗ ಸೊಸೆ ಬೀಬಿ ಲೀಜಾ ಚಕ್ರಕ್ಕೆ ಸಿಲುಕಿ ಪ್ರಜ್ಞ ಹೀನಳಾಗಿದ್ದಳು.

ತಕ್ಷಣವೇ ಆಕೆಯನ್ನು ಖಾಸಗಿ ಆಸ್ಪತ್ರೆಗೆ ಕರೆದುಕೊಂಡು ಹೋಗಲಾಗಿದೆ. ಅಲ್ಲಿನ ವೈದ್ಯರು ಸೀರಿಯಸ್ ಇದೆ ಮಗು ಎಂದು ತಿಳಿಸಿದ್ದಾರೆ. ಇನ್ನೇನು ಬೆಂಗಳೂರಿಗೆ ಕರೆದುಕೊಂಡು ಹೋಗಬೇಕು ಮಗು ಸಾವನ್ನಪ್ಪಿದೆ. ಪ್ರಕರಣ ತುಂಗಾನಗರ ಪೊಲೀಸ್ ಠಾಣೆಯಲ್ಲಿ ದಾಖಲಾಗಿದೆ.