ಮೇ.14ರಂದು ಬಸವಸ್ಮರಣೆ ಹಾಗೂ ಶರಣರ ಸಮಾವೇಶ

ಶಿವಮೊಗ್ಗ, ಮೇ.13:
ನಿರಂತರವಾಗಿ ಬಸವ ಸ್ಮರಣೆ ಹಾಗೂ ಶರಣರ ಸಮಾವೇಶವನ್ನು ನಡೆಸುತ್ತಾ ಬಂದಿರುವ ಶಿವಮೊಗ್ಗದ ವಿದ್ಯುತ್ ಇಲಾಖೆ ವೀರಶೈವ ನೌಕರರ ಕ್ಷೇಮಾಭಿವೃದ್ಧಿ ಸಂಘ ಈ ವರ್ಷ ಮೇ.14ರ ನಾಳೆ ಬೆಳಗ್ಗೆ 10ಗಂಟೆಗೆ ಕುವೆಂಪು ರಂಗಮಂದಿರಲ್ಲಿ ಈ ಕಾರ್ಯಕ್ರಮವನ್ನು ಆಯೋಜಿಸಿದೆ.

ನೂತನ ಮನೆಗಳು ಬಾಡಿಗೆಗಿವೆ
ಶಿವಮೊಗ್ಗ ಶುಭ ಮಂಗಳ ಕಲ್ಯಾಣ ಮಂದಿರದ ಹಿಂಭಾಗದ ಶ್ರೀರಂಗ ನಿಲಯ, ೩ನೇ ಮೈನ್, ೩ನೇ ಕ್ರಾಸ್, ನೇತಾಜಿ ಪಾರ್ಕ್ ಎದುರು ವಿನೋಬನಗರದ ೨ ಬೆಡ್ ರೂಂಗಳ, ಬೋರ್‌ವೆಲ್, ಪಾರ್ಕಿಂಗ್ ವ್ಯವಸ್ಥೆ ಹೊಂದಿರುವ ಮೊದಲನೇ ಹಾಗೂ ಎರಡನೇ ಮಹಡಿಯ ವಿಶಾಲ ಮನೆಗಳು ಬಾಡಿಗೆಗಿವೆ. ಸಸ್ಯಹಾರಿಗೆ ಲಭ್ಯ
ಆಸಕ್ತರು ಸಂಪರ್ಕಿಸಿ: ೯೯೬೪೦ ೪೯೫೧೫, ೮೬೧೮೬ ೯೭೧೦೪

ಬೆಕ್ಕಿನ ಕಲ್ಮಠದ ಡಾ.ಶ್ರೀಮಲ್ಲಿಕಾರ್ಜುನ ಮುರುಘಾರಾಜೇಂದ್ರ ಮಹಾಸ್ವಾಮಿಗಳು ಹಾಗೂ ಹೊಸನಗರ ಮೂಲೆಗದ್ದೆಯ ಶ್ರೀಸದಾನಂದ ಶಿವಯೋಗಾಶ್ರಮದ ಶ್ರೀ ಅಭಿನವ ಚೆನ್ನಬಸವ ಮಹಾಸ್ವಾಮಿಗಳು ಸಾನಿಧ್ಯವಹಿಸಲಿರುವ ಕಾರ್ಯಕ್ರಮದಲ್ಲಿ ಗೌರಿಗದ್ದೆಯ ಶ್ರೀವಿನಯ್ ಗುರೂಜಿ ಅವಧೂತರು ವಿಶೇಷ ಆಹ್ವಾನಿತರಾಗಿ ಆಗಮಿಸಲಿದ್ದಾರೆ.
ಸಂಸದ ಬಿ.ವೈ.ರಾಘವೇಂದ್ರ ಅವರು ಉದ್ಘಾಟಿಸಲಿರುವ ಕಾರ್ಯಕ್ರಮದಲ್ಲಿ ನಿಕಟಪೂರ್ವ ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪ ಅವರು ವಿಶೇಷ ಅತಿಥಿಗಳಾಗಿ ಆಗಮಿಸಲಿದ್ದಾರೆ. ಸಂಘದ ಅಧ್ಯಕ್ಷ ಹಾಗೂ ಮೆಸ್ಕಾಂನ ಅಧೀಕ್ಷಕ ಅಭಿಯಂತರರಾದ ಎಸ್.ಜಿ.ಶಶಿಧರ್ ಅಧ್ಯಕ್ಷತೆವಹಿಸಲಿರುವ ಕಾರ್ಯಕ್ರಮದಲ್ಲಿ ಶಾಸಕರಾದ ಆಯನೂರು ಮಂಜುನಾಥ್ ಎಸ್.ರುದ್ರೇಗೌಡ, ಡಿ.ಎಸ್.ಅರುಣ್, ರಾಜ್ಯ ಸರ್ಕಾರಿ ನೌಕರರ ಸಂಘದ ಅಧ್ಯಕ್ಷ ಸಿ.ಎಸ್.ಷಡಾಕ್ಷರಿ, ಕೆಪಿಟಿಸಿಎಲ್‌ನ ನಿವೃತ್ತ ನಿರ್ದೇಶಕ ಕೆ.ವಿ.ಶಿವಕುಮಾರ್ ಅತಿಥಿಗಳಾಗಿ ಆಗಮಿಸಲಿದ್ದಾರೆ.

ಈ ಭಾರಿ ವಿಶೇಷವಾಗಿ ಚಿಂತನಾ ಕಲಾವೃಂದದ ಹರೋನಹಳ್ಳಿಸ್ವಾಮಿ ಮತ್ತು ತಂಡದಿಂದ ವಚನಗಾಯನ, ವಿಧೂಷಿ ಸ್ಫೂರ್ತಿ ಪಿ.ಎಂ.ಅವರಿಂದ ಭರತನಾಟ್ಯ, ನ್ಯಾಮತಿಯ ಪಿ.ಕೋಟ್ರೇಶಪ್ಪ ತಂಡದಿಂದ ವೀರಗಾಸೆ ನಡೆಯಲಿದೆ. ಬೆಳಗ್ಗೆ ೯.೩೦ಕ್ಕೆ ಗಾಂಧಿಪಾರ್ಕ್ ಎದುರಿನ ಶ್ರೀ ಬಸವೇಶ್ವರ ಪ್ರತಿಮೆಗೆ ಗಣ್ಯರಿಂದ ಪುಷ್ಪನಮನ ನಡೆಯಲಿದೆ. ಕಾರ್ಯಕ್ರಮಕ್ಕೆ ಸರ್ವರನ್ನು ಸಂಘವು ಸ್ವಾಗತಿಸಿದೆ.