ಶಿವಮೊಗ್ಗ, ಜೂ.22:
ಜಿಲ್ಲೆಯಲ್ಲಿ ಬುಧವಾರವಾದ ಇಂದು ಕೊರೊನಾ ಸೋಂಕು ಕಂಡು ಬಂದಿರುವವರ ಸಂಖ್ಯೆ ಇಳಿಮುಖವಾಗಿದೆ. ಸಾವಿನ ಸಂಖ್ಯೆಯೂ ಕುಗ್ಗಿದೆ. ಇದು ಜಿಲ್ಲಾ ದಾಖಲೆ ಪ್ರಕಾರ.
ಇಂದು ಪರೀಕ್ಷಾ ವರದಿಯಲ್ಲಿ 197 ಜನರಲ್ಲಿ ಮಾತ್ರ ಸೊಂಕು ಕಾಣಿಸಿಕೊಂಡಿದೆ. ಜಿಲ್ಲೆಯಲ್ಲಿ ಇದಕ್ಕೆ ತುತ್ತಾಗಿ ನಾಲ್ವರು ಸಾವಿಗೀಡಾಗಿದ್ದಾರೆ.
ಇಂದು 3540 ಜನ ಪರೀಕ್ಷಿತರಾಗಿದ್ದಾರೆ. 197 ಮಂದಿಗೆ ಸೋಂಕು ತಗುಲಿದ್ದು, ಹಳೆಯ ಪರೀಕ್ಷಿತರು ಸೇರಿದಂತೆ ಒಟ್ಟು 3169 ಜನರಿಗೆ ನೆಗಿಟೀವ್ ಬಂದಿದೆ. ಇಂದು ಪರೀಕ್ಷೆಯಲ್ಲಿ ಹೆಚ್ಚು ನೆಗಿಟೀವ್ ಕಂಡುಬಂದಿರುವುದು ಸಂತಸದ ವಿಷಯ.
236 ಮಂದಿ ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆ ಹೊಂದಿದ್ದಾರೆ.
ಜಿಲ್ಲೆಯಲ್ಲಿ ಈವರೆಗೆ ಕೊರೊನದಿಂದ ಸತ್ತವರ ಸಂಖ್ಯೆ 962 ಕ್ಕೇರಿದೆ.
ಶಿವಮೊಗ್ಗ ತಾಲೂಕಿನಲ್ಲಿ 91,ಭದ್ರಾವತಿ 31, ಸಾಗರ 33, ಸೊರಬ 05, ತೀರ್ಥಹಳ್ಳಿ 04, ಶಿಕಾರಿಪುರ 18, ಹೊಸನಗರ 03 ಪಾಸಿಟಿವ್ ಪ್ರಕರಣ ದಾಖಲಾಗಿವೆ. ಇತರೆ ಜಿಲ್ಲೆಯ 08 ಜನರಲ್ಲಿ ಸೊಂಕು ಕಂಡುಬಂದಿದೆ.
08 ಮಂದಿ ವಿದ್ಯಾರ್ಥಿಗಳಲ್ಲಿ ಸೋಂಕು ಪತ್ತೆಯಾಗಿದೆ. ಜಿಲ್ಲೆಯಲ್ಲಿ ಪ್ರಸ್ತುತ 1731 ಸಕ್ರಿಯ ಪ್ರಕರಣಗಳಿವೆ ಎಂದು ಆರೋಗ್ಯ ಇಲಾಖೆ ಮಾಹಿತಿ ನೀಡಿದೆ.