ಶಿವಮೊಗ್ಗ: ರಸ್ತೆಯಲ್ಲಿ ಗುಂಪಾಗಿ ಬರುತ್ತಿದ್ದ ಮೂರು ಕೋಣ ಹಾಗೂ ಐದು ಎಮ್ಮೆಗಳ ಗುಂಪಿಗೆ ವಾಹನವೊಂದು ಡಿಕ್ಕಿ ಹೊಡೆದ ಪರಿಣಾಮ ಏಳು ಮೂಕ ಪ್ರಾಣಿಗಳು ರಸ್ತೆಯಲ್ಲೇ ಸಾವು ಕಂಡ ಹೃದಯ ವಿದ್ರಾವಕ ಘಟನೆ ನಿನ್ನೆ ರಾತ್ರಿ ಶಿವಮೊಗ್ಗ ಸಾಗರ ರಸ್ತೆಯ ಶರಾವತಿ ಡೆಂಡಲ್ ಕಾಲೇಜು ಎದುರಿನ ಚಾನೆಲ್ ಏರಿ ಸೇತುವೆ ಬಳಿ ನಡೆದಿದೆ.

ರಾತ್ರಿ ಗುಂಪಾಗಿ ಈ ಮೂಕ ಪ್ರಾಣಿಗಳು ರಸ್ತೆ ದಾಟುತ್ತಿದ್ದಾಗ ಶಿವಮೊಗ್ಗ ಕಡೆಯಿಂದ ಸಾಗರ ಮಾರ್ಗವಾಗಿ ಬಂದ ಮಾರುತಿ ಬ್ರಿಜಾ ಕಾರು ಇಷ್ಟು ದೊಡ್ಡ ಪ್ರಮಾಣದ ಅಪಘಾತ ಮಾಡಿದೆ. ಕಾರಿನ ಚಾಲಕ ಹಾಗೂ ಅದರಲ್ಲಿ ಇದ್ದವರು ಪರಾರಿಯಾಗಿದ್ದರು. ಈ ಪ್ರಾಣಿಗಳ ಮೃತದೇಹಗಳನ್ನು ರಸ್ತೆಯ ಮಗ್ಗುಲಿಗೆ ಎಳೆದು ಸಂಚಾರಕ್ಕೆ ಅನುವು ಮಾಡಿಕೊಡಲಾಗಿದೆ. ಅಪಘಾತದಲ್ಲಿ ಹಿರಿಯ ಎಮ್ಮೆ ಗಂಭೀರವಾಗಿ ಗಾಯಗೊಂಡಿದ್ದೆ. ಗಾಡಿಕೊಪ್ಪದ ನಿವಾಸಿ ಮಂಜುನಾಥ ಎಂಬುವವರಿಗೆ ಸೇರಿದ ಎಮ್ಮೆಗಳು ಎಂದು ಹೇಳಲಾಗುತ್ತಿದೆ.
ವಾಹನವನ್ನು ವಶಕ್ಕೆ ಪೊಲೀಸರು ಪಡೆದಿದ್ದಾರೆ. ಪ್ರಕರಣದ ವಿಚಾರಣೆ ಶಿವಮೊಗ್ಗ ಪಶ್ಚಿಮ ಟ್ರಾಫಿಕ್ ಠಾಣೆಯಲ್ಲಿ ನಡೆಯುತ್ತಿದೆ.